YOHANIS 8:9 - Susula Malalaok Hehelu Palak Ma Hehelu Beuk

⁹ Tehu lamanene Yesus kokolak nae leondia tutika, ala la'o esa-esa de nalosa mamanak ndia louk. Lasi kala la'o lakahuluk, de besa ka hataholi makadoto kala tunga dea. Mate'e na, ela ka'da Yesus no inak ndia mesa kasa lai mamanak ndia. Tehu inak ndia bei napadeik nahele nai mamana na.

YOHANIS 8:9 Σταυροειδείς Αναφορές

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

1RAJA-RAJA 2:44

O bubuluk besa-besa moo o tatao-nono'i mangalaum soaneu au amang. Hu no ndia de, neukose Manetualain huku o,

AYUB 20:27

Lalai-a, natu'du tatao-nono'i mangalaun-na, ma daebafak-ka fo'a, fo la'ban-nana.

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

MAZMUR 40:14

Ou Manetualain, soi-tefa-mala au, Manetualain, mai lai-lai, fo tulu-fali au!

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 71:13

Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

PENGKHOTBAH 7:22

O mame'da mae o soo-supa hai hataholi fe'ek so boe.

LUKAS 13:17

Yesus hala-kokolan ndia tao na Yesus musu noo nala mae lanseli; tehu basa hataholi fe'e kala lamahoko lita basa mata beuk fo Yesus tao ka.

YOHANIS 8:10

Boema Yesus so'uk langa na de nafa'da ina ka nae, “Te hataholi makadoto kala leu lai bee so? Ade ala ta huku o fa do?”

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

YOHANIS 8:2

Balahaa fafaik boema, neu seluk leo Manetualain Uman neu, boema hataholi ba'u ka mai. Tutika Yesus nangatuuk de nanolis.

YOHANIS 8:3

Ndia te, mese agama la lo hataholi Farisi la, ala ho'u la inak esa, ana hohonge, de lon leo Yesus neu. Boema ladenu inak ndia napadeik neu tala'daheon,

YOHANIS 8:8

Basa ndia boema, Yesus nakatele de Ana duduik seluk dae a ninik lima ku'u na.

ROMA 2:15

Sila ha'da-paliin nde da'di natutu'duk nae, hata fo hoholo-lalanek ndia paleta neu sala, nanasulak nai sila dale nala dalek. Sila dale bobongoana nala boeo, latu'du dede'ak ndia ta'du-tanan, nana nasi'a sila dudu'a-aafin fe salak neus, ma nasi'a fe ndoos neus.

ROMA 2:22

Tolanoo kala manoli hataholi la fo boso hohonge, te se'kona tolano kala hohonge! Tolanoo kala ta hii sosongo-tatango ka fa, te se'kona tolanoo kala ho'i uma sosongo-tatango ka bua-lo'a nala.

1 YOHANIS 3:20

Metema ita tame'da nana, hata fo ita taon ndia salan soona, mafandendelek te Manetualain malela na ba'u lena ita malela na, hu ka nde Ndia nde bubuluk basa hata lala'ena.