YOHANIS 8:54 - Susula Malalaok Hehelu Palak Ma Hehelu Beuk

⁵⁴ Boema Yesus nae, “Leo uni ka Au sanga ha'da-holomata soaneu Au mesa nga soona, ha'da-holomata ndia sosoa-ndandaan ta. Nana hataholi manafe Au ha'da-holomata ndia, nde Au Amang, fo emi mafa'da mae, emi Manetualaim,

YOHANIS 8:54 Σταυροειδείς Αναφορές

AMSAL 25:27

Metema minu fanioe lena-lenak soona, ta malole fa, leondiak boe, metema kokolak dede'a kokoa-kikiok ba'uk-ka soona, ta malole fa.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

HOSEA 1:9

Manetualain, nafa'da au nae, “Foi o anam ndia na'de, ‘Au Anang Ta Ndia fa’, nana Au anang ta hataholi Israel-la fa, ma sila Manetualain ta Au fa.”

YOHANIS 17:1

Yesus kokolak basa nae leondia boema, nanganalo leo lalai neu de nae, “Amak, besak ia fai na losa so. De mamatutua-mamadedema O Ana ma leona, fo ela O Ana ma boeo, namatutua-namadedema Ama ka.

YOHANIS 17:5

Amak! Mamatutua-mamadedema Au besak ia leona soaneu Ama ka, ninik matua-madema fo Au o Ama ka manuun, te daebafak ia beita nananakadada'dik fa.

YOHANIS 2:11

Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

YOHANIS 5:41

Au ta sanga kokoa-kikiok neme hataholi daebafa ka mai fa.

YOHANIS 7:18

Ba'eneu see fo nanoli tunga ka'da malela mesa na, ana sanga hataholi koa-kion. Tehu hataholi fo ana sanga ha'da-holomata fe Hataholi manamadenu nana, soona hataholi ndia dale na ndoos, ma ta masapepekok fa.

YOHANIS 7:39

Yesus kokolak la'eneu see namahelen soona, neukose ana sipo Manetualain Dula Dale na. Nanahu lelek ndia, Manetualain beita fe Dula Dale na mai fa. Hu ka nde Yesus beita nananamatutua-namadedemak ninik mamate na fa.)

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

YOHANIS 8:50

Au ta sanga ha'da-holomata neu Au fa. Hapu ka'da esa mesa kana nde sanga ha'da-holomata soaneu Au, nde Ndia fo manamaketu-mala'di ka.

HATAHOLI 3:13

Manetualain fo Abraham, Isak, ma Yakob sene do'o ka nde bee na ita bei ba'ikai nala Manetualain. Manetualain ndia namatutua-namadedema basa Ata na, fo nde Yesus Kristus. Yesus Kristus ndia nde emi fe henin leo mana koasa la neu, boema emi la'ba nana nai Pilatus matan, nai lelek fo Pilatus ana sanga po'i nana.

2 KORINTUS 10:18

Nana hataholi nanakoa-kio ka nde bee na hataholi fo Lamatua ka koa-kion, te ta nde hataholi fo ana koa-kio seluk aoina na fa.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

2 PETRUS 1:17

Nanahu, nai lelek fo Manetualain fen ha'da-holomata ma namatutua-namadedema nana, ami nai ndia. Lelek ndia, hala ka nananamanenek neme Ndia fo Mandela Masa'a ka, nafa'dan nae, “Au ana susue nga nde ia, fo nandaa no Au dale nga!”