YOHANIS 7:7 - Susula Malalaok Hehelu Palak Ma Hehelu Beuk

⁷ Tao leo bee o, daebafak ia ta nakamu-nakadau emi fa. Tehu Au soona, memak daebafa ka, nakamu-nakadau Au, nana Au afa'da daebafa ka tatao-nono'i mangalau na tataas esa.

YOHANIS 7:7 Σταυροειδείς Αναφορές

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1RAJA-RAJA 22:8

Ahab nataa nae, “Bei hapu esa seluk na'de Mikha, fo Yimla anan-na. Tehu au ta hii fan, nana ana beita nafa'da nita manada'di manamaik fo malole soaneu au fa; te ka'da manada'dik fo ta malole tataas esa.” Yosafat nataa nae, “Ah, boso kokolak mae leondia!”

MAZMUR 109:5

Ala balas au maloleng-nga, nenik mangalauk, ma au susue-lalaing, nenik nakamumulu-nakamamaek.

AMSAL 15:12

Hataholi fo ana hii ka'da nakamumulu-nakamamaek, ana ta hii ka'i fan; dalen-na belak, noke nanoli-nafa'dak neme hataholi manatee-tenok-ka mai.

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YEREMIA 20:8

Au kokolak do'e-do'e ae, au muse eeki-apane'e losa basa au be'i-balakaing-nga, “Nasananseli! Susa-soe!” Manetualain, au nanahakininisik ma nananakamu-nakadau su'di faik, nanahu anduku-alosak o hala-hehelun-na.

IMAMAT 13:10

Metema, tunga imam-ma palisan-na nae, nai hataholi ndia loun-na, hapu peta-pae fulak fo ana bisu, boema buluk manai he'dis-sa mamanan ndia, fulak soona,

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

LUKAS 6:26

Soe neu emi, metema basa hataholi la koa-kio emi. Nana leondiak boe sila bei ba'ikai nala koa-kio nabi-nabi pepekok makahulun eli la.”

YOHANIS 17:14

Au tui-benga Ama ka dede'a-kokolan neus so, de daebafa ka nakamu-nakadaus hu ka nde daebafa ka hataholin ta sila so'ok, sama na leo Au boeo, daebafa ka hataholin ta Au fa.

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

ROMA 8:7

Hataholi fo hataholi daebafa ka ha'da paliin koasa na dudu'a-aafi na, hataholi ndia musu no Manetualain; nana hataholi ndia ta tunga Manetualain hoholo-lalanen fa.

GALATIA 4:16

Ade besak ia, emi tao au da'di musu nook, nana au afa'da dede'a ndo sa neu emi do?

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

1 YOHANIS 4:5

Nabi pepekok sila la, ala kokolak ka'da dede'a daebafak, fo daebafa ka nde namanene sala, nana daebafa ka hataholin sila.