YOHANIS 7:52 - Susula Malalaok Hehelu Palak Ma Hehelu Beuk

⁵² Boema latanen lae, “Ade o boeo, meme Galilea mai boe do? Palisak Susula Malalao ka dei! Te neukose o bubulu kana nafa'da nae, nabi ta da'di neme Galilea mai fa!” [

YOHANIS 7:52 Σταυροειδείς Αναφορές

KEJADIAN 19:9

Tehu hataholi Sodom sila-la, lafa'da Lot lae, “La'o leona! O hataholi manamai esa, boen-na o nau ito-ato ami? Ka'da la'o leona! Metema ta soona, neukose ami hotu fe o, fo belan-na lena heni hataholi ka duak sila-la.” Boema ala soli heni Lot, de ala tutulumatak, fo ala sanga hona lakalulutuk lelesu-a.

1RAJA-RAJA 22:24

Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee Manetualain Dula dalen-na la'oela au de Ana kokolak no o?”

KELUARAN 2:14

Hataholi ndia nataa nae, “See kande ndo ei o da'di ami mauli-malangam, ma ami manakee-manafulam? Ade o sanga taomisa au boe, sama leo huas-sa, o taomisa hataholi Masir ndia do?” Boema Musa bii, de ana dodoo nae, “Soe! Au tatao-nono'ing ndia nanabubuluk so.”

YOHANIS 1:46

Tehu Natanael nataa nae, “Neme bee mai a, hata malole esa, ana bole da'di neme Nazaret mai?” Boema Felipus naen nae, “Mai teu fo mita matam.”

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

YOHANIS 7:41

Ma nggelok lae, “Mane Mana Fe So'da ka nde ia!” Tehu hapu nggelok bai soona lae, “Ah, hapu nai bee, Mane Mana Fe So'da ka, Ana mai neme Galilea mai?

YOHANIS 7:53

Basa ndia boema, basa hataholi la ala fali le'us leo uma nala leu.

YOHANIS 9:34

Boema lae, “O mae le'e? Ala bongi o no sala-singok, tehu o sanga manoli ami bai?” Mulai neme faik ndia mai, ala ta nau hataholi ndia neu leo uma mamasok dale neu so'on.