YOHANIS 7:51 - Susula Malalaok Hehelu Palak Ma Hehelu Beuk

⁵¹ “Tunga hoholo-lalane ka soona, ta bole huku hataholi esa boen, metema beita palisak dede'a na fo tamanene ana tui ndia tatao-nono'in leo beek fa.”

YOHANIS 7:51 Σταυροειδείς Αναφορές

KELUARAN 23:1

“Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

AMSAL 18:13

Mataa makahuluk, neme mamanene nde been-na tatao-nono'i nggoak, ma nakamumulu-nakamamaek.

BILANGAN 35:30

Nai dede'a kanisak-ka dalek, bole kee hataholi kanisak-ka nasala fo huku nisan, sa'di metema hapu sakasii dua, do lena neme dua mai, fo ala bisa fe buti la'eneu tatao-nono'ikanisak ndia. Metema sakasii ka'da esa soona, beita dai, soaneu ana bisa fe buti nae kalaak ndia tete'ek-ka.

HATAHOLI 23:3

Boema Paulus nafa'da imam matuaina ndia nae, “Tao leo bee o Manetualain fapa hataholi mana dea-dalek fo ta'ko nae, ndia hataholi malalao-malalafuk! O mangatuuk nai mamanak ndia fo o maketu-mala'di au tunga Musa hoholo-lalanen, te se'kona o nde la'olena hoholo-lalanek sila la, ninik o madenu hataholi fapa au!”

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

ULANGAN 17:6

Tehu bole hukunisa hataholi ndia, metema hapu sakasii dua, do lena neme dua mai; ta bole hukunisa hataholi esa fa, metema hapu ka'da sakasii esa.