YOHANIS 7:41 - Susula Malalaok Hehelu Palak Ma Hehelu Beuk

⁴¹ Ma nggelok lae, “Mane Mana Fe So'da ka nde ia!” Tehu hapu nggelok bai soona lae, “Ah, hapu nai bee, Mane Mana Fe So'da ka, Ana mai neme Galilea mai?

YOHANIS 7:41 Σταυροειδείς Αναφορές

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 1:46

Tehu Natanael nataa nae, “Neme bee mai a, hata malole esa, ana bole da'di neme Nazaret mai?” Boema Felipus naen nae, “Mai teu fo mita matam.”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 4:25

Boema inak ndia nafa'da Yesus nae, “Au bubuluk Manek Mana Fe So'da ka fo loken lae Kristus ndia, neukose Ana mai. De metema Ana mai soona, neukose nafa'da basa hata lala'ena neu ita.”

YOHANIS 4:29

“Mai mitak hataholi esa nai eli, nafa'da basa au tatao-nono'ing lala'ena. De fafa'kama, Mane Mana Fe So'da ka nde ndia do?”

YOHANIS 4:42

Lafa'da inak ndia lae, “Besak ia, ami mamahele, nana ta hu o hala nafa'da ma fa te, hu ka nde ami mamanene matam, boema ami bubuluk memak tete'e ka, Hataholi ia nde Soi-tefa nala daebafa ka.”

YOHANIS 6:69

hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

YOHANIS 7:27

Tehu metema Mane Mana Fe So'dak ndia mai soona, hataholi esa boeo, ta bubuluk Ana mai neme bee mai fa! Te see ko na ita bubuluk hataholi ia, ana da'di neme bee mai so.”

YOHANIS 7:31

Hataholi sila la ba'u ka lamahelen, de nalosa bekola lae, “Metema Mane Mana Fe So'dak ndia ana mai soona, ade Ana hapu tao manda'di beuk de'u lenaheni Hataholi ia do?”

YOHANIS 7:52

Boema latanen lae, “Ade o boeo, meme Galilea mai boe do? Palisak Susula Malalao ka dei! Te neukose o bubulu kana nafa'da nae, nabi ta da'di neme Galilea mai fa!” [