YOHANIS 7:30 - Susula Malalaok Hehelu Palak Ma Hehelu Beuk

³⁰ No hatematak ndia boe, ala nau ho'u la Yesus leona, tehu esa boeo ta napalani tai la'e fan, nana fai na beita losa fa.

YOHANIS 7:30 Σταυροειδείς Αναφορές

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

MATEOS 12:14

Boema hataholi Farisi la la'oela uma mamasok ndia, de leu lala halak fo ala taolisa Yesus.

MATEOS 21:46

Hu ndia de, ala mulai sanga enok, fo ala ho'u Yesus. Tehu ala bii hataholi makadoto kala, nanahu hataholi makadotok sila la sipok Yesus sama na leo nabi esa.

MARKUS 11:18

Malanga ima mala ma mese agama la lamanene Yesus kokolan ndia boema, ala mulai sanga enok fo taolisan. Tehu ala biin, nana basa hataholi la koa-kio nanoli na.

LUKAS 20:19

Mese agama la ma malanga ima mala bubuluk lae nakandandaak ndia, Yesus tuin la'e sila. Hu ndia de ala hii ho'u lan hatematak ndia boe, tehu ala bii hataholi makadoto kala.

LUKAS 22:53

Tunga faik Au o emi nai Manetualain Uman, te emi ta ho'u Au fa. Tehu fai na nde ia soaneu emi, faik fo nai bee makahatu ka ana koasa.”

YOHANIS 10:31

Boema hataholi Yahudi la hele seluk batu fo ala tapa Yesus.

YOHANIS 10:39

Boema ala sanga seluk enok fo ala ho'u Yesus, tehu Yesus la'o so.

YOHANIS 11:57

Ala kokolak lae leondia nana, malanga ima mala lo hataholi Farisi la po'i basa paleta lae, hataholi see bubuluk Yesus nai bee soona, muse ana fe sila halak, fo daenga ladenu hataholi neu ho'un.

YOHANIS 7:19

Ade Musa beita fe emi Manetualain paleta nala fa do? Tehu ta hapu emi esa boen, tunga paleta sila la fa. Na tao le'e de emi sanga taomisa Au?”

YOHANIS 7:32

Hataholi Farisi la boeo, lamanene hataholi makadotok sila la, ala bengekutu la'eneu Yesus. Hu ndia de, lakabubua lo malanga ima mala de ladenu manamanea Manetualain Uman de'ubee, leu ho'u Yesus.

YOHANIS 7:6

Boema Yesus nafa'das nae, “Au fai nga beita losa fa, tehu soaneu emi soona, emi hapu loak nai basa fai lala'ena.

YOHANIS 7:8

Emi mesa ma meu leo fai matua ndia meu. Te Au ta u fa, nanahu Au fai nga beita losa fa.”

YOHANIS 8:20

Yesus kokolak basa dede'ak sila la, ndek lelek fo nanoli neme Manetualain Uman dale. Ndia te, napadeik deka no peti doi ka. Tehu hataholi esa boen ta napalani ho'u fan, nana fai na beita losa fa.

YOHANIS 8:37

Memak Au bubuluk emi ia nde bee na, Abraham tititi-nonosin. Tehu emi nau taomisa Au, nanahu emi ta nau sipok Au nanoli nga fa.

YOHANIS 8:59

Boema hataholi Yahudi la hele batu fo ala sanga tapa Yesus. Tehu ta lita Yesus so'on, nana Yesus la'oela Manetualain Uma na so.

YOHANIS 9:4

Nai fai lele'do na soona, ita tao-no'i Ndia fo manamadenu Au a, tatao-nono'in. Nanahu nai fai le'odae na, hataholi a ta tao-no'i so'on.