YOHANIS 7:19 - Susula Malalaok Hehelu Palak Ma Hehelu Beuk

¹⁹ Ade Musa beita fe emi Manetualain paleta nala fa do? Tehu ta hapu emi esa boen, tunga paleta sila la fa. Na tao le'e de emi sanga taomisa Au?”

YOHANIS 7:19 Σταυροειδείς Αναφορές

MATEOS 12:14

Boema hataholi Farisi la la'oela uma mamasok ndia, de leu lala halak fo ala taolisa Yesus.

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

MARKUS 11:18

Malanga ima mala ma mese agama la lamanene Yesus kokolan ndia boema, ala mulai sanga enok fo taolisan. Tehu ala biin, nana basa hataholi la koa-kio nanoli na.

MARKUS 3:4

Boema Yesus natane hataholi manai sila la nae, “Tunga agama ito-aton soona, ita tao beek nai fai Saba ta? Tao malole do tao mangalauk? Soi-tefa hataholi do taotisa hataholi?” Tehu ka'da ala bedenge.

MARKUS 3:6

Boema hataholi Farisi la la'oela uma mamasok ndia de no lai-laik, leu lakokolaok lo hataholi ba'ubee leme Herodes nakabubua na mai fo ala taolisa Yesus.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 10:39

Boema ala sanga seluk enok fo ala ho'u Yesus, tehu Yesus la'o so.

YOHANIS 11:53

Mulai faik ndia boema, basa manakoasa Yahudi la lalahalak esa, fo ala sanga taolisa Yesus.

YOHANIS 5:16

Hu ka nde Yesus tao nahai hataholi la'e fai Sabat, boema ala mulai tao lakatoto'a-lakasosotak Yesus.

YOHANIS 5:18

Dede'a-kokolak sila la nde tao la basa manakoasa Yahudi la sanga enok lakandoo, fo ala taolisa Yesus. Ala tao enok ndia, nana ta ka'da Yesus la'olena agama nakanenete na la'eneu fai Saba ta fa, te hu ka nde Yesus nafa'da nae, Ndia Aman nde Manetualain, fo dede'ak ndia sosoa na nae, Yesus nakasasamak aoina na no Manetualain.

YOHANIS 5:45

Emi boso maedaenga, neukose Au fe salak neu emi nai Ama ka matan. Te Musa fo emi mamahena ka, neukose ndia nde fe salak neu emi.

YOHANIS 7:1

Basa ndia boema, Yesus neu leo basa mamanak lala'ena, nai Galilea. Ana ta nau neu leo Yudea neu fa, nana basa manakoasa Yahudi manai Yudea la lape'da dalek lon fo ala sanga taolisan.

YOHANIS 7:25

Basa boema, hataholi Yerusalem de'ubee lae, “Ade ala sanga taolisa hataholi a, nde ia do?

HATAHOLI 7:38

Musa ia nde nai leoina Israe la tala'da fo neme mo solokae ka, ana da'di lelete soaneu ata nusa so'dak fo mana kokolak non neme Lete Sinai, ma no ita bei ba'ikai nala. Ndia nde mana sipo hala maso'dak maneme Manetualain mai fo nanduku-nalosa kana neu ita.

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

GALATIA 6:13

Hataholi mana tunga suna ta nakanenete nala boeo, ala ta tunga agama hoholo-lalanen boen. Tehu ala nau sunat emi, fo ela lamatutua-lamadedema ao nala lae, emi boeo tunga nakanenetek sila la.

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

ULANGAN 33:4

Ata tunga Musa fe hoholo-lalanek-kala, fo leoina ia, pusakan fo, belin-na seli ndia.