YOHANIS 7:16 - Susula Malalaok Hehelu Palak Ma Hehelu Beuk

¹⁶ Boema Yesus nae, “Fo Au fe nanolik ia la, Au nanoling ta sila fa, te Hataholi manamadenu Au a, nanolin sila la.

YOHANIS 7:16 Σταυροειδείς Αναφορές

YOHANIS 14:10

Felipus! Ade o ta mamahele mae, Au da'di esa o Ama ka, boema Ama ka da'di esa no Au fa do? Hata fo Au afa'da neu emi ndia, Au ta afa'da Au hala-kokola mesang ndia fa. Te Amak fo manada'di esa nahele no Au a, nde tao basa sila la.

YOHANIS 14:24

Hataholi fo ana ta sue-lai Au fa soona, ana ta tunga Au nanoli nga fa. Nanolik fo emi mamanenen ndia ta neme Au mai fa, tehu neme Amak fo manamadenu Au a.

YOHANIS 17:14

Au tui-benga Ama ka dede'a-kokolan neus so, de daebafa ka nakamu-nakadaus hu ka nde daebafa ka hataholin ta sila so'ok, sama na leo Au boeo, daebafa ka hataholin ta Au fa.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 3:11

Mamahele leona: te ami kokolak ka'da hata fo ami bubulu kana, boema ami mitan leo beek soona, ami mafa'dan leondiak; tehu leondiak boeo, emi ta nau mamahele ami hala nafafa'dam sila fa.

YOHANIS 3:31

Manamaik neme lain mai a, ba'ulenaheni basa hata lala'ena. Nana manamaik neme daebafa ka mai a, nana'de hataholi daebafak, fo ana kokolak dede'a daebafak. Tehu Ndia fo manamaik neme lain mai a, ba'ulenaheni basa hata lala'ena.

YOHANIS 5:30

“Au ta hapu tao-no'i hata esa boen, tunga Au hihii-nanau mesang-nga fa. Te Au aketu-ala'di tunga ka'da Manetualain paleta na. Boema Au nakeketu nga matetuk, nana Au ta tunga Au hihii-nanau mesa nga fa, te Au tunga Amak fo manamadenu Au a, hihii-nanaun.

YOHANIS 6:44

Te hataholi a, ana ta hapu mai leo Au mai fa, metema Amak fo manamadenu Au a, ta nde no hataholi ndia leo Au a mai, boema see mai soona, neukose Au tao aso'da fali kana nai Fai Mate'e ka.

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

2 YOHANIS 1:9

Hataholi fo, ana ta ho'u nahele Kristus nanoli nala, te ana tao fe'ek neme Kristus fen nanoli kala mai soona, hataholi ndia, Manetualain ta. Hataholi fo naso'da nahele nai Kristus nanoli nala dale ka, hataholi ndia nanuu Amak Manetualain no Anan Yesus boe.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.