YOHANIS 6:2 - Susula Malalaok Hehelu Palak Ma Hehelu Beuk

² Ana losa naa boema, hataholi makadotok leu tungan, nana lita Ana tao manda'di beu kala ma nakahahaik hataholi kamahe'di sala.

YOHANIS 6:2 Σταυροειδείς Αναφορές

MATEOS 12:15

Yesus bubuluk, hataholi Farisi sila la, lape'da dale mangalauk neun. Da'di Ana la'oela mamanak ndia, tehu hataholi ba'u ka tungan. Nai hataholi sila la dalek, hapu hataholi kamahe'di sala boe. Boema Ana tao nahai la'i esa kasa.

MATEOS 13:2

Boema hataholi makadotok mai lakabubua leme Yesus boboa-kaisun, hu ndia de, neu nangatuuk neu ofak dale, tehu hataholi makadotok sila la lapadeik lai dano a su'u na.

MATEOS 14:14

Lelek fo Yesus kona neme ofak lain mai de nita hataholi makadotok sila la boema, dale na he'di nanseli. Nai hataholi makadotok sila la dalek, hapu hataholi kamahe'dis ala boe. Boema Ana tao nalea-nahai la'iesa kasa.

MATEOS 8:1

Yesus kona neme pupukuk lain mai boema, hataholi makadotok tungan.

MARKUS 1:45

Tehu hataholi ndia neu boema, ana tui manada'dik ndia nakandondoohenin nai basa mamanak lala'ena, nalosak Yesus ta hapu masok leo kota dale no le'do-le'dok fa. Ana leo nai kota deak, nai ka'da mamana nees ala. Tehu hataholi la ka'da mai lakandoo leme basa mamanak lala'ena mai fo leu lakaninin.

MARKUS 6:33

Tehu hataholi makadotok sila la lita ala la'oela mamanak ndia, ma lalelak Yesus no ana mana tunga nala so. Dadi, basa hataholi manai kota nai nusak ndia, lalaik lakahuluk tunga ma'dak lain de ala losa lakahuluk leme Yesus no ana mana tunga nala.

YOHANIS 11:47

Hu ndia de, hataholi Farisi la lo malanga ima mala lakabua lo Mana Maketu-mala'di Agama Matua. Lakokolaok lae, “Ita muse tao bek dei? Te hataholi ia, ana tao manda'di beuk ba'u ka so!

YOHANIS 12:18

Hu ndia de hataholi makadotok sila la leu leo Yesus leu, ninik lamanene lae, Yesus nde tao manada'di beuk ndia.

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

YOHANIS 2:11

Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

YOHANIS 2:23

Feta Paskah losa so, te Yesus bei nahele nai Yerusalem, boema Ana tao manda'di beuk ba'u ka, de nalosa hataholi ba'u ka lamahelen.

YOHANIS 20:30

Yesus beitao manada'di beuk makadotok seluk bai, nai ana manatunga nala matan, tehu ala ta sulak basas nai susulak ia dalek fa.

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 6:14

Hataholi makadotok sila la lita Yesus tao manda'di beuk ndia, boema bekola lae, “Tete'e ka, Nabi fo ita tamahena Ana mai leo daebafa ka mai a, nde Hataholi ia so!”

YOHANIS 6:22

Fo'a mai boema, hataholi makadotok bei manai dano seli ka, besa ka lame'da lan te, na'ka sa ka'da ofak esa neme ndia. Hu ndia de, ala bubuluk ka'da Yesus ana manatunga nala mesa kasa sa'e ofak ndia te Yesus ta tunga fa.

YOHANIS 6:26

Boema Yesus nae, “Tete'e ka, emi mai sanga Au nana ta hu ka nde emi malelak basa Au tao manda'di beu kala sosoa-ndandaan fa, te hu ka nde emi mi'a basa de emi makabete so.

YOHANIS 6:30

Boema lae, “Metema leondiak soona, Ama ka fe ami ta'du-tana beek, fo ami mita ma mamahele Ama ka?