YOHANIS 5:4 - Susula Malalaok Hehelu Palak Ma Hehelu Beuk

⁴ Nana hapu faik fo Manetualain ata nusa so'da na kona leo lifu ndia dalek neu, fo ana koko'bak oe na. Metema lifu ndia oe na nako'ba, fo hataholi kamahe'dis see kona nakahuluk leo lifu ndia dalek neu soona, leomae he'di matak leo beek ndia boeo, ana hai tutik.]

YOHANIS 5:4 Σταυροειδείς Αναφορές

2RAJA-RAJA 5:10

Elisa nadenu atan esa, neu nafa'da Naaman nae leo ia, “Tuan, neu nadiu oe nai Lee Yarden-na la'i hitu, fo neukose Tuan lea-hai no malole.”

MAZMUR 119:60

Au ta ahani fa, te no lai-laik, au akalala'ok O paletam-ma.

AMSAL 6:4

Boso muu sungu makahuluk, ma boso hahaeaom-ma.

AMSAL 8:17

Au sue lai sila fo lahik neu au; manasanga au-a, neukose latongo lo au.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YESKIAL 47:8

Boema nafa'da au nae, “Lee ia, ana faa tunga nusak ia leo dulu neu, fo ana tunga Lee Yarden-na Doken-na, fo nakandoo leo Tasi Mates-sa neu.

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

ZAKHARIA 13:1

Manetualain Fo Manakoasa, nafa'da nae, “Nai faik ndia, neukose oemata esa ana faa, fo ana tao nalalao-nalalau Dauk tititi-nonosin ma laun Yerusalem-mala, leme sala-singok ma sosongo-tatangok fo ala taok-ka.

ZAKHARIA 14:8

Nai faik ndia, neukose oe neuk-ka ana faa neme Yerusalem mai; oe ndia seli, ana faa leo Tasi Mates-sa neu, ma seli, ana faa leo Tasi Tala'dak neu. Neukose oe ndia, ana faa tunga teuk, nau nai fai oefak, do nai fai hanas boe.

MATEOS 11:12

Mulai neme Yohanis tui-benga tutui-bebengan losa besak ia, boema Manetualain hataholi kamahehele nala nanalena la'bak neme hataholi mana sanga enok ninik be'i-balakai kala mai.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

LUKAS 13:24

“Sanga enok leona fo masok tunga lelesu makabi'a ka, Nana hataholi ba'u ka te'e-te'e ala sanga enok masok, tehu ala ta bisa fa.

LUKAS 16:16

Hoholo-lalanek fo Musa fe ka ma nabi la nanoli nala nanapakek nahelek losa Yohanis Mana Salani ka tepo lele na. Neme lelek ndia, Hala Malole la'eneu tao leo beek fo Manetualain paleta da'dileo Mane ka, nanatui-bengak nakandoo. Boema hataholi a da'di Manetualain hataholi kamahehelen no nakasetik.

YOHANIS 5:3

Hataholi kamahe'dis makadotok bekendoo neu ka lai kama sila la dalek. Nggelok pokek, nggelok ei helak, ma nggelok lu'uk. [Basa-basas lahani lifu ndia oe na nako'ba.

YOHANIS 5:5

Ndia te, touk esa namahe'di teuk telu hulufalu dale na, nai ndia boe.

YOHANIS 5:7

Boema hataholi kamahe'dis ndia nataa nae, “Ama, nai lelek fo lifu oe na nako'ba soona, ta hapu hataholi nai ia, fo ana ko'o au leo lifu ndia dalek neu fa. Boema au bei sanga ae u leo lifu dale u te, hataholi fe'ek nakahuluk leo dalek neu so.”

1 KORINTUS 6:11

Makahulu na, hapu hataholi de'ubee nai emi dalek, bei lanuu ha'da-palii leo sila kala. Tehu besak ia soona emi malalaok neme sala-singo ka mai so. Emi dadi Manetualain nuu hehelin so. Emi malole falik mo Manetualain, nana emi mamahele neu Lamatuak Yesus Kristus, ma hu ka nde ita Aman Manetualain Dula Dale na koasa na.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.