YOHANIS 5:2 - Susula Malalaok Hehelu Palak Ma Hehelu Beuk

² Nai Yerusalem hapu lifu esa ana deka no “Lelesu Bi'ilopo.” Tunga dede'a Ibrani soona, lifu ndia na'de, Betesda. Nai ndia hapu kama lima.

YOHANIS 5:2 Σταυροειδείς Αναφορές

NEHEMIA 12:39

Boema ami tunga Lelesuina Efraim, Lelesuina Palaak, Lelesuina I'ak, Menara Hananeel ma Menara Mea losa Lelesuina Bi'ilopo-a. Ami mate'e deka Lelesuina Naneak-ka, deka no Manetualain Uman-na.

NEHEMIA 3:1

Ia nde been-na hala nafafa'dak la'eneu tao leo bek de Yerusalem papala nanadaman-na nanatao nahiik. Imam Matua Elyasib-pa no nonoon-nala lafofo'a falik Lelesuina Bi'ilopo-a ma ala pasak lelesu-la doon-na, de ala fe hehelin ba'eneu Manetualain. Ala tao lahiin de ala fe hehelik papala nanadamak-ka losa Uma Puni Madema Natun Esa ma losa leo Uma Puni Madema Hananeel-la neu.

YESAYA 22:11

emi kali lifu nai kota dale, fo lifu palaak-ka oen-na, ana faa leo dalek neu. Tehu emi ta taoafik neu Manetualain, fo Ana tutu'u basa sila-la dook-ka so, ma Ndia nde taon-na basa sila-la, ala da'di.

YESAYA 22:9

Emi hapu matandalak makadotok nanseli lai papala nanadamak Yerusalem-ma, fo paluu nanatao nahiik. Emi palisak basa uma manai Yerusalem-mala, boema emi ofeheni de'ubee, fo emi pake batun-nala soaneu tao mahii, kota papala nanadaman-na. Soaneu oe-a,

YOHANIS 19:13

Pilatus namanene dede'ak ndia boema, no Yesus leo deak neu. Boema nangatuuk neu kandela kekee-fufulan lain, fo nai mamana ka na'de, Lantai Batu. Nai dede'a Ibrani dalek soona, na'de Gabata.

YOHANIS 19:17

Lo Yesus leo deak neu te, Yesus lu'a aon ai nggange na, de lon leo mamana ka na'de, “Mamana Langaduik.” (Fo nai dede'a Ibrani dalek soona loken lae, Golgota.)

YOHANIS 19:20

Hataholi Yahudi ba'u ka ala les susula liik ndia, nana ala lona-nggange Yesus nai mamana ka, ta doo ka neme kota mai fa. Ala sulak susulak ndia nai dede'a Ibrani, Latin, ma Yunani dalek.

YOHANIS 20:16

Boema Yesus nafa'dan nae, “Maria!” Tutika Maria lipa leo Yesus neu de, ana kokolak ninik dede'a Ibrani nae, “Rabuni!” (Fo sosoa na nae, “Mesen.”)

YOHANIS 5:3

Hataholi kamahe'dis makadotok bekendoo neu ka lai kama sila la dalek. Nggelok pokek, nggelok ei helak, ma nggelok lu'uk. [Basa-basas lahani lifu ndia oe na nako'ba.

YOHANIS 7:21

Yesus nae, “Au tao ka'da tatao-nono'ik esa, nai fai Saba ta, tehu emi dodoo doa kana.

HATAHOLI 21:40

Malanga solda'du nakaheik boema, Paulus napadeik neu e'dahuuk lain de ana fe ta'du ninik lima na, fo hataholi la bedenge. Basa boema Paulus kokolak nos ninik dede'a Ibrani nae,

NINITAK 16:16

Basa boema, dula dalek sila tao lakabubua manek sila la, nai mamana ka nai dede'a Ibrani dale soona ala foin na'de, Harmagedon.

NINITAK 9:11

Lanuu manek fo ana paletas, ma manek ndia nde ata nusa so'dak manamanea faka mamate sa. Na'de na nai dede'a Ibrani dalek soona, Abadon, ma nai dede'a Yunani dalek soona, Apolion, fo sosoa na nae, “Mana Tao Nakalulutuk”.