YOHANIS 5:14 - Susula Malalaok Hehelu Palak Ma Hehelu Beuk

¹⁴ Basa ndia boema, Yesus natongo no hataholi ndia neme Manetualain Uman dale, boema nafa'dan nae, “Besak ia o hai so. De boso boe tao sala-singok seluk bai, fo ela o boso boe hapu he'di mangalauk, lenaheni ia bai.”

YOHANIS 5:14 Σταυροειδείς Αναφορές

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

NEHEMIA 9:28

Tehu lelek nusan-na nee-nee lino-lino seluk, boema no lai-laik lasala-lasingo seluk. Boema O boeo fes leo musu manatuni-ndenik-ka neu. Tehu, lelek fo lame'da boema lasasale dale lanseli, laloo bebou neu O, fo loke soi-tefak. Boema O mamanene neme nusa so'dak-ka mai, de O tulu-falis do'e-do'e, nana O dale ma tu'da soaneus, ma O susue-lalaim ba'un-na seli.

MAZMUR 118:18

Manetualain fepa-li'u nanggae au so, tehu Ana ta fe au leo mamates-sa neu fa.

MAZMUR 18:22

Au tunga Manetualain paletan-na ma au ta lepos asadea, au Manetualaing-nga fa.

MAZMUR 27:6

Besak ia, au sengi musu manai au boboa-kaisung-nga; boema no eeki-natadalek, au tunu-hotu tutunu-hohotu makasi nai Uman; au nau akamee, ma koa-kio Manetualain.

MAZMUR 9:13

Nana nafandele neu hataholi manadoi-dosok-ka ma ta nafandele heni, hoo-nggu'un-nala fa. Ana huku, hataholi fo manatao no laka-nakasetik.

YESAYA 38:20

Manetualain, O taom-ma au lea-hai so, de ami makamee nakamee kokoa-kikiok nai O umam, nenik kecapi liik, nai ami fai maso'dam-ma dalek.”

IMAMAT 13:20

fo ana palisak-kana. Metema, kokoto fulak ndia, nono'kabai, ana kiki'da leo dalek neu, ma buluk manai mamanak ndia boeo, ana da'di fulak soona, imam-ma muse nafa'da nae, hataholi ndia, manggenggeok. Bisunggumak ndia, sanga da'di he'di lou mangalauk.

IMAMAT 26:27

Metema, emi la'ola'di basa huhukuk sila-la, te emi bei lena-la'ban mahele Au boe, fo ta nau tunga neu Au fa,

IMAMAT 7:12

Metema, tutunu-hohotuk ndia, nanatunu-hotuk soaneu noke makasi, soona muse tunu-hotu bana ndia, no loti fo ta pake laluteik fa. Loti ndia bole makate, taon neme ha'desopu nanakamek no mina setun, bole loti tuuk ni'ianak boe, fo nanalosek nenik mina, do kokis fo taon neme ha'desopuk-ka no mina setun.

MATEOS 12:45

Boema ana fali de, nalo no seluk dula dale mangalauk hitu, mangalau nala lena heni ndia. Basa boema ala masok leo hataholi ndia dalek leu de ala leo leme ndia. Neu mate'e na, hataholi ndia ha'da tataon, mangalau ba'u lena heni makasososa na. Ha'da tatao matak leondia ka, ana da'di neu hataholi mangalauk besak ia la boe.”

MARKUS 2:5

Lelek fo Yesus nita hataholi sila la namahehele na ba'una seli boema, nafa'da hataholi lu'uk ndia nae, “Ana ngonei, o sala-singom nanafe do'o do ampon so.”

YOHANIS 5:13

Tehu hataholi fo besa ka ana hai ndia, ana ta bubuluk see ndia fa, nana Yesus mopo kana nai hataholi makadotok sila la tala'da so.

YOHANIS 5:5

Ndia te, touk esa namahe'di teuk telu hulufalu dale na, nai ndia boe.

YOHANIS 8:11

Boema ina ka nae, “Ta, Ama,” Boema Yesus nafa'dan nae, “Naa, malole so, Au boeo ta huku o boen. Besak ia, fali mu'u ma leona, fo boso boe tao sala-singok seluk bai.”]

1 PETRUS 4:3

Nai le'do fai maneu ka, doo ka nanseli, emi tao-no'i tunga hataholi fo ta lalelak Lamatua ka, tatao-nono'i nala so. Hu ndia de, emi so'da ma ta malole fa. Emi tunga nasa-melu ka, mafuk ala-lalu, tao feta-dote, mi'a-minu, ma sene-do'ok meu sosongo-tatango manggenggeo ka.