YOHANIS 4:7 - Susula Malalaok Hehelu Palak Ma Hehelu Beuk

^7-8 Yesus ana manatunga nala leu asa nana'ak nai kota dale. Ala la'o boema, ina Samaria esa, ana mai dolu oe. Boema Yesus nafa'da inak ndia nae, “Ina, fe Au oe faa dei?”

YOHANIS 4:7 Σταυροειδείς Αναφορές

KEJADIAN 24:17

Tehu Abraham atan-na, neu deka noon, de nafa'dan nae, “Fali-ma au dei, Anang-ngo, fe au inu neme o nggusim ndia mai.”

KEJADIAN 24:43

Neukose, au apadeik ahele nai oedolu ia su'un-na. Metema anafe'oanak esa, ana mai aso oe soona, neukose au oken oe, fo ela ana fe au inu.

1RAJA-RAJA 17:10

Boema Elia neu leo Sarfat neu. Lelek ana losa kota ndia lelesun-na boema, nita inafalu esa, ana bei hehele ai ha'i. Boema Elia nafa'da inafalu ndia nae, “Ina, sue na fe au oe nininuk faa anak dei.”

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

YOHANIS 19:28

Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:6

Yakob oe dolu na nai ndia. Yesus sota nanseli no lala'o ka, boema nangatuuk neu oe dolu ndia su'u na. Ndia te, fafa'kama li'u sanahulu dua le'dohana na,