YOHANIS 4:22 - Susula Malalaok Hehelu Palak Ma Hehelu Beuk

²² Ba'eneu emi hataholi Samaria la soona, emi sene-do'ok meu hata fo emi ta malela kana fa, tehu ba'eneu ami hataholi Yahudi a soona, ami sene-do'ok neu Ndia fo ami malela kana, nanahu so'da-mole ka da'di neme hataholi Yahudi a mai.

YOHANIS 4:22 Σταυροειδείς Αναφορές

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

EZRA 4:2

Hu ndia de, leu latongo loo Zerubabel ma mane leo-la, de lafa'da sila hahapun-na lae, “Fe ami loak, fo ami tunga mafofo'a Manetualain Uman ndia, nana ami boeo sene-do'ok neu tolanook-kala Manetualain-na, sama-na leo tolanook-kala boe. Ami fen tutunu-hohotuk tataas esa ndek Esar-Hadon, fo Asyur manen-na, no ami leo ia mai-a.”

MAZMUR 147:19

Ana nanduku-nalosak hala hehelun-na neu anan-nala, nanduku-nalosak nakeketun ma hoholo-lalanen, neu ana hehelen-na.

MAZMUR 68:20

Koa-kio Manetualain leona, nana Ndia nde Manetualain, fo manasoi-tefan-na ita; Ana lepa ita bela-ba'un, neme faik leo faik neu.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

HATAHOLI 17:23

Nana nai lelek fo au la'ok okofefeo emi kota ma de au taoafik neu emi mamana huhule-haladoim, boema au ita mamana tutunu-hohotuk esa boe. Nai mamanak ndia nanasulak nae, ‘Neu Manetualain Fo Ta Nananalela ka fa.’ Naa, Manetualain emi fo sene-do'o kana tehu emi ta malela kana ndia nde, au tui-bengan neu emi a.

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

HATAHOLI 3:26

Hu ndia de Manetualain hele Ata na fo nadenun Ana mai nakahuluk neu emi, fo ela Ana fe baba'e-papalak neu emi. Ana fe baba'e-papalak ndia, eno na nde, Ana tao na tolanoo kala tukatei-saledale neme emi maso'da mangalau ma eno dalan mai.”

ROMA 11:18

Hu ndia de emi boso makadadaek hataholi nanake'dihenik sama na leo ai ndanak nanake'dihenik sila la. Emi muse mafandendelek te, emi ia ka'da ai ndanak mesa kana. Te ta ai ndanak fo ana hanihao ai oka na, te ai oka na nde hanihao ai ndana na dei.

IBRANI 7:14

Basa hataholi la, ala bubuluk lae ita Lamatua na da'di neme leoana Yehuda mai; ma Musa ta la'iesa fo ana seseik leoanak ndia, nai lelek ana kokolak la'eneu imam-imam mala.