YOHANIS 4:10 - Susula Malalaok Hehelu Palak Ma Hehelu Beuk

¹⁰ Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:10 Σταυροειδείς Αναφορές

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

MAZMUR 46:4

leomae tasi fo'a, fo lii-la lapoponu, ma pupukuk-kala dele, hu kande fefepa-lili'un.

KELUARAN 17:6

Neukose, Au apadeik nai o matam-ma, nai batu matuaina esa lain, nai Lete Sinai-a. Fepa batu ndia, soona neukose oe-a kalua, nalosa hataholi sila-la bisa linu.” Musa tao leondiak, nai basa maneleo Israel-la matan.

KIDUNG AGUNG 4:15

Oemata manai au osing dale-a, ana faa oe maso'dak fo ana faa neme Libanon mai!

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YESAYA 35:6

Hataholi lu'uk-ka, neukose nakaboboku sama leo nusa, hataholi hala tak-ka, eeki-natadale no namahoko-seteleek. Nana oemata, ana faa nai moo solokaek-ka, lee faa nai moo maloa,

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 43:20

Bana fuik-kala, neukose lamatutua-lamadedema Au; busa fuik ma manupui onta, neukose ala koa-kio Au nana Au fe oe-a, ana faa nai moo solokaek-ka, ma lee-la, lai moo maloa soaneu Au fe Au ana heheleng-ngala linu.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YESKIAL 16:35

Hai Yerusalem, fo manasosoa-piaok-ka, mamanene hata fo, Manetualain Fo Mademaina, nafa'dan nae, “O o'duheni o ba'dum-ma so, de da'di leo ina manasosoa-piaok, o fe o aopaa-ma neu o tou susue-lalaim-mala, ma neu o sosongo-tatangom fo nana maluak sila-la. O taomisa o anam-mala, de o tunu-hotu fes neu sosongo-tatangok sila-la.

ZAKHARIA 13:1

Manetualain Fo Manakoasa, nafa'da nae, “Nai faik ndia, neukose oemata esa ana faa, fo ana tao nalalao-nalalau Dauk tititi-nonosin ma laun Yerusalem-mala, leme sala-singok ma sosongo-tatangok fo ala taok-ka.

ZAKHARIA 14:8

Nai faik ndia, neukose oe neuk-ka ana faa neme Yerusalem mai; oe ndia seli, ana faa leo Tasi Mates-sa neu, ma seli, ana faa leo Tasi Tala'dak neu. Neukose oe ndia, ana faa tunga teuk, nau nai fai oefak, do nai fai hanas boe.

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

YOHANIS 16:3

Ala tao emi leondiak nanahu beita lalelak Ama ka ma Au boe,

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

HATAHOLI 9:11

Boema Lamatua ka nafa'dan nae, “Ayo, la'o besak ia leona. Mu leo Yudas uman mu, fo nai mamana ka na'de, Eno Mando. Soona matane te hataholi esa nai ndia na'de Saulus, fo hataholi ndia neme Tarsus mai. Besak ia, hataholi ndia ana bei hule-haladoi,

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

1 KORINTUS 10:4

ma linu nininu salanik matak esa. Basa-basas linu neme lete batu salanik fo sama-sama no sala; lete batu ndia nde Kristus mesa kana.

2 KORINTUS 9:15

Ela leo bee na ita toke makasi neu Manetualain, hu ka nde baba'e-babati matuainan ndia!

EFESUS 2:8

Manetualain sue-lai emi, hu ndia de Ana soi-tefa na emi, nanahu emi mamahele Yesus. Emi so'da-molem ndia, ta neme emi ue-osam buna-boan mai fa, te hu ka nde Manetualain baba'e-babatin. Da'di, ta hapu hataholi esa boen, fo ana koao la'eneu dede'ak ndia fa.

IBRANI 6:4

Nanahu, hataholi mana fali dea basa ka, ta bisa hela-nole fali kana fa. Makahulu na sila nai mangale'dok maneme Manetualai na dalek, ma lame'da lita Manetualain baba'e-papalan so. Sila boeo, Manetualain Dula Dale na koasa nalas so.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”