YOHANIS 3:9 - Susula Malalaok Hehelu Palak Ma Hehelu Beuk

⁹ Boema Nikodemus natane Yesus nae, “Neme bee mai a, dede'ak ndia ana da'di?”

YOHANIS 3:9 Σταυροειδείς Αναφορές

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

LUKAS 1:34

“Tehu au bei matatema”, Maria nafa'da ata nusa so'dak ndia, “tao leo bee fo dede'ak ndia bisa da'di?”

YOHANIS 3:10

Tehu Yesus naen nae, “O ia mesen nai Israel; ma tao le'e de, o ta bubuluk dede'ak ia fa?

YOHANIS 3:4

Tehu Nikodemus nafa'da Yesus nae, “Hapu nai bee, hataholi a namatua so, tehu bei bongi nasafali selu kana bai? Ade ana hapu masok fali seluk leo inan tein dale neu, fo bongi selu kana do?”

YOHANIS 3:8

Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

YOHANIS 6:52

Hataholi Yahudi la lamanene dede'ak ndia boema, esa nale'a no esa. Lae, “Eno na tao leo beek, de hataholi ia nae, Ana fe ao paa na fo ita ta'an?”

YOHANIS 6:60

Lamanene Yesus dede'a-kokolan sila la boema, Yesus ana manatunga makadoto nala lae, “Nanolik ia bela na seli. See ka nde nalelak nanolik ndia!”