YOHANIS 3:8 - Susula Malalaok Hehelu Palak Ma Hehelu Beuk

⁸ Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

YOHANIS 3:8 Σταυροειδείς Αναφορές

MAZMUR 107:25

No paletan-na, de ani-sangu mai, ma Ana fe lii-la lapoponu.

MAZMUR 107:29

Nadenu ani-sangu, fo ana hahae, lii-la boeo, tenak henin.

MAZMUR 135:7

Ana fe ko'as-sa mai, neme daebafak-ka pe'dan-na mai, ma Ana tao ndelas-sa, soaneu u'dan-na Boema Ana paleta anin-na, fo daenga ana kalua neme, mamana pepe'dan-na mai.

PENGKHOTBAH 1:6

Anin-na fuu leo kona neu, boema ana fuu leo kii neu; ana puta neu mai, boema ana fali seluk.

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

YOHANIS 3:7

Boso nggenge, metema Au afa'da ae: emi muse nanabongi nasafalik.

YOHANIS 3:9

Boema Nikodemus natane Yesus nae, “Neme bee mai a, dede'ak ndia ana da'di?”

HATAHOLI 2:2

Boema no kaiboik, lamanene mangguuk esa neme lalai mai, sama leo ani matua ina ngguu na. Mangguuk ndia, ana poti na uma fo langatuuk ndia dalek lala'ena.

HATAHOLI 4:31

Ala hule-haladoi basa boema lakabubua lai mamana ka, nanggengo. Boema Manetualain Dula Dale na koasa na basa-basas de ala mulai kokolak no napalanik nanseli la'eneu halak maneme Manetualai na mai a.

1 KORINTUS 12:11

Basa sila lala'ena ka'da Dula Dale kisak ndia nde tao sala; Dula Dalek ndia ana fe hataholi a esa-esak nok ndia baba'e-babatin tunga Dula Dalek ndia hihii-nanaun.

1 KORINTUS 2:11

Nana manabubuluk hataholi esa dale na, nde bee na hataholi ndia dula dale na mesa kana hetu? Leondiak boe, la'eneu Manetualain. Fo Mana bubuluk Manetualain dale na, ka'da Manetualain Dula Dalen ndia mesa kana!

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.