YOHANIS 3:12 - Susula Malalaok Hehelu Palak Ma Hehelu Beuk

¹² Au tui fe emi dede'a daebafak boeo, emi ta nau mamahele fa, na muda hata no dede'a nusa so'da ka bai?

YOHANIS 3:12 Σταυροειδείς Αναφορές

YOHANIS 3:11

Mamahele leona: te ami kokolak ka'da hata fo ami bubulu kana, boema ami mitan leo beek soona, ami mafa'dan leondiak; tehu leondiak boeo, emi ta nau mamahele ami hala nafafa'dam sila fa.

YOHANIS 3:3

Boema Yesus nafa'dan nae, “Mamahele leona te, metema hataholi esa ta bongi nasafali fan soona, hataholi ndia ta da'di Manetualain hataholi kamahehelen fa.”

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

YOHANIS 3:8

Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 5:11

La'eneu Yesus nangatutuun da'dileo Imam Matua ina ndia, hapu dede'ak ba'u ka paluu ami mafa'dan neu emi tehu tea na seli soaneu ami mafa'da mangalele'don, nana emi malela ma beita dai fa.

1 YOHANIS 4:10

Fo susue-lalai ka, huu na nde ndia: Ita ta nde sue-lai Manetualain fa te, Manetualain nde sue-lai ita ninik nadenu Ana na mai, fo ela ita sala-singon hapu do'o do ampon tunga Anan ndia.