YOHANIS 2:22 - Susula Malalaok Hehelu Palak Ma Hehelu Beuk

²² Hu ndia de, neu makabui na, de Yesus naso'da falik neme mamate sa mai boema, besa ka ana nala lafandele, Yesus nafa'da hai dede'ak ndia so. Boema lamahele hata fo nanasulak nai Susula Malalaok dale, ma hata fo Yesus nafa'dak ndia.

YOHANIS 2:22 Σταυροειδείς Αναφορές

MAZMUR 16:10

Nana, O ta po'ilotak au mate fa; hataholi fo O sue-laik-ka, O ta po'ilotak-kana mate-mopo fa.

LUKAS 24:26

Ade Mane Mana Fe So'da ka muse Ana la'ola'di nakahuluk basa doidosok sila la, fo besa ka nanatao nandela-nasa'ak do ta?”

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 12:16

Lelek ndia Yesus ana manatunga nala beita lalelak basa dede'ak sila la fa. Tehu Yesus nananamatutua-namadedema basak ninik mamate na, besa ka lafandele hata fo hataholi la tao-no'in soaneu na, nanasula basak nai Susula Malalaok dale so.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 16:4

Tehu besakia, Au afa'da emi dede'ak ndia, fo metema neu fai makabuin, ana da'di soona, emi mafandele mae, Au afa'da basan neu emi so.” “Au ta afa'da dede'ak ia la neu emi neme makasososa na mai fa nana, Au bei sama-sama o emi.

YOHANIS 2:11

Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

YOHANIS 2:17

Boema ana manatunga nala lafandele Susula Malalao ka baba'en esa nae, “Au dale susue-lalaing neu O Uma ma, ou Manetualain, ana hotu Au dale nga.”

YOHANIS 2:2

Yesus no ana manatunga nala boeo, ala ka'is leo feta kabing ndia boe.

HATAHOLI 11:16

Boema au afandele, Lamatua ka nafa'da hai nae, ‘Yohanis salani ninik oe, tehu neukose emi nanasalanik ninik Manetualain Dula Dale na.’

HATAHOLI 13:33

ndia Ana tao-no'i basan soaneu ita, ninik Ana tao naso'da falik Yesus neme mamate sa mai so. Nana nai Mazmur kadua dalek, nanasulak nae, ‘O nde Au ana nga, nai faik ia dale na, Au da'di O Amam so.’