YOHANIS 2:18 - Susula Malalaok Hehelu Palak Ma Hehelu Beuk

¹⁸ Basa manakoasa Yahudi la, ala la'ban Yesus lae, “So'ba O tao fe ami manda'di beuk esa, fo ana da'di buti nae, O hapu hak tao leo iak.”

YOHANIS 2:18 Σταυροειδείς Αναφορές

1RAJA-RAJA 13:3

Nabi ndia kokolak nakandoo nae, “Mei tutunu-hohotuk ia, neukose ana hea neu, ma afu manai lai na, neukose po'ahenin. Ndia da'di buti nae, Manetualain nde nadenu au a.”

KELUARAN 7:9

“Metema manek-ka noke emi tao manada'di beuk, fo da'di neu buti soona, madenu Harun, fo ana ho'i-na aitete'en-na, fo ana tapan neu dae lain, nai manek-ka matan. Soona neukose, aitete'ek ndia nasafali da'di menge.”

MATEOS 21:23

Basa boema Yesus fali leo Manetualain Uman neu, boema Ana masok leo dalek neu de nanoli neme ndia. Lelek Ana bei nanoli-nanoli te malanga ima mala, ma lasi-lasik Yahudi la ala mai de latanen lae, “O manuu hak beek de O tao basa manda'dik ia la? See ka nde fe hak ndia neu O a?”

MARKUS 8:11

Hataholi Farisi de'ubee leu leo Yesus leu de ala mulai lale'a lon, fo ala sanga lakahihi'i kana. Loke Yesus tao manda'di beuk, fo ana da'di ta'du-tana esa nae, Ana mai neme Manetualain mai.

LUKAS 11:29

Hataholi la bei lakamomotu la Yesus, te Ana kokolak nakandoo kokola na nae, “Hataholi lelek besak ia la, mangalau na ba'u na seli. Ala loke ta'du-tana esa, fo ela ala hapu lamahele neu Au, tehu sila neukose ta nanafe ta'du-tana esa boen, ka'da ta'du-tana nabi Yunus-sa.

YOHANIS 1:19

Basa manakoasa Yahudi manai Yerusalem-mala, ladenu ima mala lo Lewi hataholi nala, leu leo Yohanis leu, fo latanen lae, “O ia see?”

YOHANIS 1:25

latanen lae, “Metema o ta nde Mane Mana Soi-Tefa ka, ma ta nde Elia, boema ta nde nabi esa boen, na tao le'e de o salani hataholi?”

YOHANIS 6:30

Boema lae, “Metema leondiak soona, Ama ka fe ami ta'du-tana beek, fo ami mita ma mamahele Ama ka?

HATAHOLI 4:7

Boema lo Petrus no Yohanis leu lataa mauli-malangan sila la de latane duas lae, “Eno na tao leo beek de emi tao mahai hataholi lu'uk ndia? No be'ibalakik do no koasa neme see mai, de emi tao dede'ak ndia?”

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”