YOHANIS 2:11 - Susula Malalaok Hehelu Palak Ma Hehelu Beuk

¹¹ Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

YOHANIS 2:11 Σταυροειδείς Αναφορές

1RAJA-RAJA 17:24

Inafalu ndia nataa nae, “Besak ia au bubuluk, Ama nde been-na Manetualain atan, ma Ama hala-kokolan memak tete'e ka neme Manetualain mai!”

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

MAZMUR 96:3

Tui matua-mademan neu leoina-la, ma tatao-nono'in fo, makadelen-na neu hataholi daebafak-ka.

KELUARAN 14:31

Lelek hataholi Israel-la lita tao leo beek, de Manetualain no koasa matuainan-na, Ana sengi hataholi Masir-ra boema, ala dodoo doak-kana nanseli, nalosa lamahele neun, ma lamahele neu Musa, fo Manetualain atan ndia.

KELUARAN 4:9

Metema, ala beita nau lamahele neu o boen, leomae lita manada'di beuk ka duak ia-la so, boema ala ta nau taoafik neu o hala-kokolam fa soona, ho'i-ma Lee Nil-la oen faaanaks, fo po'an neu dae lain. Neukose oe ndia, nasafali da'di daak.”

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

YESAYA 40:5

Boema Manetualain matua-mademan, neukose nananatu'duk; basa hataholi daebafak lala'en-na, neukose lita matan. Tete'ek-ka, Manetualain mesak-kana, helu basan so!”

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 1:43

Fo'a mai boema, Yesus naketu basa, Ana sanga neu leo Galilea neu. Neu boema, natongo no Felipus, tutika nafa'dan nae, “Mai fo tunga au!”

YOHANIS 1:50

Boema Yesus nafa'dan nae, “O mamahele nana Au afa'da o ae, Au ita o mangatuuk meme ai ka huu na hetu? Neukose o mita dede'a matuaina la, ba'u lena seluk ndia bai!”

YOHANIS 10:41

Hataholi makadotok ala mai, boema ala kokolak lae, “Yohanis ta tao-no'i manda'di beuk fa, tehu basa hata fo nafa'dan la'eneu hataholi ia, memak tete'e ka la'en.”

YOHANIS 11:15

Tehu Au amahoko, nanahu Au ta nai naa fa, ninik malole lenak soaneu emi, fo ela emi hapu mamahele. Besak ia, mai leona fo ata teu leo Lasarus teu.”

YOHANIS 11:47

Hu ndia de, hataholi Farisi la lo malanga ima mala lakabua lo Mana Maketu-mala'di Agama Matua. Lakokolaok lae, “Ita muse tao bek dei? Te hataholi ia, ana tao manda'di beuk ba'u ka so!

YOHANIS 12:18

Hu ndia de hataholi makadotok sila la leu leo Yesus leu, ninik lamanene lae, Yesus nde tao manada'di beuk ndia.

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

YOHANIS 12:41

Yesaya nafa'da nae leondia nana, nita basa Yesus matua-mademan so. Hu ndia de ana kokola kana.

YOHANIS 14:13

Boema metema emi moke hata esa minik Au na'de nga soona, neukose Au fe emi, fo ela Ama ka nananamatutua-namadedemak tunga Ana ka.

YOHANIS 16:27

hu ka nde Ama ka nde sue-lai emi a. Ana sue-lai emi, nana emi sue-lai Au, boema emi mamahele, Au mai eme Manetualain mai.

YOHANIS 16:30

hu ndia de, ami bubuluk Manetualain bubuluk basa hata lala'ena. Ta paluu hataholi esa boen, natane Manetualain hata-hata so'on. Hu ndia de, ami mamahele Lamatua ka mai neme Manetualain mai.”

YOHANIS 2:1

Basa faik dua boema, feta kabi nga, neme kota Kana fo nai Galilea, de Yesus inan boeo, neu leo feta kabing ndia neu boe.

YOHANIS 2:23

Feta Paskah losa so, te Yesus bei nahele nai Yerusalem, boema Ana tao manda'di beuk ba'u ka, de nalosa hataholi ba'u ka lamahelen.

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 4:3

Hu ndia de, Yesus bubuluk hataholi Farisi la lamanene dede'ak ndia de, Ana la'oela Yudea boema neu leo Galilea neu.

YOHANIS 4:46

Basa boema, Yesus fali leo Kana neu, fo nai Galilea, nai bee Ana tao nasafali oe da'di angol. Nai kota Kapernaum ndia, hapu manapaleta, hataholi mana'a ngga'din esa, ana na namahe'di.

YOHANIS 4:54

Yesus tao manda'di beuk kadua nde ndia, fo nai faik fo neme Yudea leo Galilea neu.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

YOHANIS 6:14

Hataholi makadotok sila la lita Yesus tao manda'di beuk ndia, boema bekola lae, “Tete'e ka, Nabi fo ita tamahena Ana mai leo daebafa ka mai a, nde Hataholi ia so!”

YOHANIS 6:2

Ana losa naa boema, hataholi makadotok leu tungan, nana lita Ana tao manda'di beu kala ma nakahahaik hataholi kamahe'di sala.

YOHANIS 6:26

Boema Yesus nae, “Tete'e ka, emi mai sanga Au nana ta hu ka nde emi malelak basa Au tao manda'di beu kala sosoa-ndandaan fa, te hu ka nde emi mi'a basa de emi makabete so.

YOHANIS 6:30

Boema lae, “Metema leondiak soona, Ama ka fe ami ta'du-tana beek, fo ami mita ma mamahele Ama ka?

YOHANIS 7:31

Hataholi sila la ba'u ka lamahelen, de nalosa bekola lae, “Metema Mane Mana Fe So'dak ndia ana mai soona, ade Ana hapu tao manda'di beuk de'u lenaheni Hataholi ia do?”

YOHANIS 9:16

Boema hataholi Farisi sila la nggelok lae, “Hataholi manataok ia, ana ta mai neme Manetualain mai fa, nana hataholi ndia, ana ta tao papakek neu fai Saba ta fa.” Tehu hataholi Farisi nggelok soona lae, “Hapu nai bee, hataholi masala-masingo ka hapu tao manda'di beuk leo ia ka?” Boema ala mulai lale'a leona.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

ULANGAN 5:24

Lafa'da lae, ‘Manetualain fo ita Manetualain-na natu'du basa matua-mademan, ma mandela-masa'an, nai lelek ami mamanenen Ana kokolak neme ha'i dale mai. Faik ia dalen-na, ami mita matam mae Manetualain kokolak no hataholi daebafak-ka, tehu ta mate hataholi ndia fa.

1 YOHANIS 5:13

Au sulak susulak ia, fe emi mana mamahele neu Manetualain Ana na, fo ela emi bubuluk te, emi hapu so'da matetu ka ma mana ketu basa taa ka so.