YOHANIS 17:23 - Susula Malalaok Hehelu Palak Ma Hehelu Beuk

²³ Au o sila, ma Ama ka no Au, fo ela sila da'di esa te'e-te'e. Soona neukose daebafa ka bubuluk, Ama ka nde nadenu Au a, ma lae, Ama ka sue-lai sila, sama leo Ama ka sue-lai Au.

YOHANIS 17:23 Σταυροειδείς Αναφορές

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 13:35

Makanaema emi masue-malai ao soona, neukose basa hataholi la bubuluk lae, Au ana manatungang emi.”

YOHANIS 14:10

Felipus! Ade o ta mamahele mae, Au da'di esa o Ama ka, boema Ama ka da'di esa no Au fa do? Hata fo Au afa'da neu emi ndia, Au ta afa'da Au hala-kokola mesang ndia fa. Te Amak fo manada'di esa nahele no Au a, nde tao basa sila la.

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

YOHANIS 15:9

Sama na leo Ama ka sue-lai Au, leondiak boe Au sue-lai emi. Ela leo bee na, emi maso'da mahele da'dileo hataholi fo Au sue-lai kala.

YOHANIS 16:27

hu ka nde Ama ka nde sue-lai emi a. Ana sue-lai emi, nana emi sue-lai Au, boema emi mamahele, Au mai eme Manetualain mai.

YOHANIS 17:11

Besak ia, Au mai leo Ama ka mai. Au ta leo nai daebafa ka so'on, tehu sila bei leo lai daebafa ka. Amak fo malalao ka! Maneas minik Ama ka na'de mana koasa na, fo Ama ka fe basa Au na'dek ndia so, fo ela sila da'di esa sama leo Ama ka ma Au boeo da'di esa.

YOHANIS 17:21

Au dokodoe neu Ama ka, fo ela basa-basas ala da'di esa, sama leo Ama ka da'di esa no Au, ma Au da'di esa o Ama ka. Ela leo bee na, sila da'di esa lo Ita, fo ela daebafa ka lamahele, Ama ka nde nadenu Au.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 6:56

Hu ndia de, metema see na'a Au ao paa nga, ma ninu Au ao daa nga soona, ana da'di esa nahele no Au, ma Au da'di esa ahele o hataholi ndia boe.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

FILIPI 3:15

Ita basa-basa tala namahehelen na natea-nahele so; hu ndia de ita ha'da-tataon boeo, muse nandaa no ita namahehelen ndia. Tehu metema nai emi dalek, bei hapu hataholi nggelok hahapu na fe'ek soona, neukose Manetualain nafa'da mangalele'do fen neu emi boe.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

1 YOHANIS 1:3

Hata fo ami mitan ma ami mamanenen, ndia nde ami tui-bengan neu emi a, fo ela emi sama-sama mo ami, taso'da to Ama ka ma Anan Yesus Kristus.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

1 YOHANIS 4:19

Ita tasue-talai ao nana, Manetualain sue-lai nakahuluk ita so.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.