YOHANIS 15:8 - Susula Malalaok Hehelu Palak Ma Hehelu Beuk

⁸ Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

YOHANIS 15:8 Σταυροειδείς Αναφορές

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

HAGAI 1:8

Besak ia, kae leo pupukuk-kala lain meu, fo ho'i ai, fo mafofo'a Au Umang-nga; soona neukose Au daleng-nga loak, ma neukose Au nanasene-do'ok seluk, no eno matetuk. So'ba taoafik neu emi ha'da-tataom!

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

MATEOS 5:44

Tehu besak ia, Au afa'da emi: sue-lai emi musu noo mala, boema hule-haladoi fe hataholi mana fepa-li'u emi a,

MATEOS 9:8

Lelek hataholi la lita manda'dik ndia boema ala bii, ma ala koa-kio Manetualain, nanahu Manetualain fe hataholi daebafa ka koasa matua ina so.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

YOHANIS 13:35

Makanaema emi masue-malai ao soona, neukose basa hataholi la bubuluk lae, Au ana manatungang emi.”

YOHANIS 15:5

Au nde ai huu ango la, boema emi nde ndana nala. Hataholi manada'di esa nahele no Au, ma Au o hataholi ndia, soona neukose naboa ba'u ka. Metema emi ta mo Au fa soona, emi ta hapu tao hata esa boen.

YOHANIS 8:31

Basa boema Yesus nafa'da hataholi Yahudi kamahehele kala nae, “Metema nai emi maso'da ma dalek, emi tunga Au nanoli nga soona, Au ana manatungang emi te'e-te'e,

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

TITUS 2:10

do lamanako fa. Ela leo bee na, sila latu'du lae, sila ha'da-tataon malole ma sila mana lilinekak, fo ela no sila ha'da-tataon ndia fo, hataholi a koa-kio nanolik la'eneu Manetualain fo ita Mana soi-tefa na.

TITUS 2:5

ma ala da'di hataholi manatee tenok, so'da nala malalao-malalafuk, ma ala da'di ina mana ito-ato uma lo malole, ala tunga saotou nala paleta na. No enok ndia, ta hapu hataholi nakadadaek halak fo maneme Manetualai na mai.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.