YOHANIS 13:4 - Susula Malalaok Hehelu Palak Ma Hehelu Beuk

⁴ Hu ndia de, Ana fo'a napadeik de Ana o'duheni ba'du manalu na, de Ana pa'a handu ka neu tala'da na.

YOHANIS 13:4 Σταυροειδείς Αναφορές

2RAJA-RAJA 3:11

Boema, Mane Yosafat-ta natane nae, “Ade nai ia, ta hapu nabi, fo natane Manetualain la'eneu ita fa do?” Boema, Mane Yoram-ma, malanga solda'du manai lain esa, nataa nae, “Hapu Elisa, fo Safat anan-na. Makahulun-na, ana da'di Elia atan.”

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

LUKAS 17:7

“Leo uni ka hataholi esa nai emi dalek, nanuu malalau-maoono fo ana foidae nai tina do manafoo bi'ilopo. Metema malalau-maoono ndia ana fali ma'in soona, ade nafa'dan nae, ‘Mai fo mu'a lai-lai leona.’?

LUKAS 17:8

Tao leo bee o ta hetu! Nasafali na, neukose nafa'dan nae, ‘Sadia fe au nana'a-nininung mai. Mu pake bua-lo'a balisi fo manea au nai lelek au bei u'a inu. Basa ndia soona, besa ka o bole mu'a.’

LUKAS 22:27

See ka nde matua lena: hataholi fo nangatuuk na'a nai mei a, do hataholi manamalalau-maoono nana? Tao leo bee o hataholi fo manamangatuuk ndia. Tehu Au nai emi tala'da da'dileo malalau-maoono.

YOHANIS 13:12

Yesus safe basa ei nala boema, Ana pake falik ba'du manalu na, de nangatuuk falik. Boema nafa'das nae, “Ade emi ta malelak hata fo, besa ka Au taon neu emi ndia fa do?

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

1 YOHANIS 3:11

Neme makasososan mai a, lafa'da basa halak ndia neu emi nae: Ita muse tasue-talai ao.