YOHANIS 12:6 - Susula Malalaok Hehelu Palak Ma Hehelu Beuk

⁶ Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

YOHANIS 12:6 Σταυροειδείς Αναφορές

MAZMUR 14:1

Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

AMSAL 29:7

Hataholi malole-a, ana bubuluk hataholi tapandoes-sa hak-ka, tehu hataholi mangalauk-ka, ta dodoo nala fan.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

MATEOS 21:13

Boema nafa'da hataholi sila la nae, “Nai Susula Malalaok dale nana sulak nae, Manetualain nafa'da nae, ‘loke Au Uma nga soona lae Uma fo mamana huhule-haladoik.’ Tehu emi taon da'di mana bonga uma la ndunun!”

LUKAS 8:3

boeo Yohana, fo Khuza saoina na. Khuza ia, pegawi nai Herodes uma mane na, Susana, ma ina fe'ek ba'u ka seluk bai. Ala tulu-fali Yesus ma ana manatunga nala ninik sila tali-doi mesa nala.

YOHANIS 10:13

Tutika hataholi mana'a ngga'di ndia nalai, nana hu ka nde naue-nale'di fo sue ka nde ana hapu ngga'di. Hu ndia de, ana ta nafaduli bi'i sila la fa.

YOHANIS 12:5

“Tao le'e de mina kaboomenik ndia ta nase'o neu doi lilofulak natun telu, fo fe doi na leo hataholi nu ta kala neu fa?”

YOHANIS 13:29

Sila nggelok laedaenga Yesus nadenu Yudas neu asa seluk hata esa, fo ala paluun nai feta ndia, do nini fe hataholi nuu ta kala doik, nana Yudas nde ho'u sila basa-basas doi na.

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.

GALATIA 2:10

Sila nonoken ka'da esa mesa kana neme ami mai, fo nde, fo ela ami taoafik neu hataholi nuu taa kala. Boema au amahoko nana, au ahiik tatao-nono'ik ndia.

1 TESALONIKA 5:22

Tehu madook emi ao ma, neme basa tatao-nono'i mangalau mata-matak lala'ena mai.

YAKOBIS 2:2

Nana metema hataholi kamasu'ik esa ana pake ndeli lilo pilas ma bua-lo'a neulauk, ana mai leo emi nakabuam esa, boema hataholi nuu tak esa, ana pake si'da sae, ala mai leo emi nakabuam ndia mai boe,

YAKOBIS 2:6

Tehu emi sosona, makamumulu-makamamaek hataholi nuu taa kala, te see ko na hataholi kamasu'i kala ala tuni-ndeni emi, ma ala lele'a-loloso emi leo mana maketu-mala'di ka meu!