YOHANIS 10:20 - Susula Malalaok Hehelu Palak Ma Hehelu Beuk

²⁰ Sila ba'u ka lafa'da lae, “Nitu nai dalen dale! De namulu ndia! Sosoak hata, emi mamanene Hataholi ndia?”

YOHANIS 10:20 Σταυροειδείς Αναφορές

YESAYA 53:8

Nanahukuk, ma nananaketu-nala'dik, boema nanalele'a-lolosok, ma nanahuku nisak. Ta hapu esa boen, fo ana taoafik neu ua-nalen fa; ana mate, hu kande ita leoinan, sala-singon.

YEREMIA 29:26

“Manetualain ana so'u o da'di imam fo nggati Yoyada, de besak ia o nde manapaleta matuaina nai Manetualain Uman-na. O bela-ba'um nde paleta fo ela basa hataholi kamulus, fo ala manaku aon-nala nabi soona, nanalangek nenik namosina besik neu lesuha'in.

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MATEOS 11:18

Yohanis ana mai-de ana oka ao na, ma ta ninu angol fa; boema hataholi la lae, ‘Hataholi nitu sa'ek ndia!’

MATEOS 9:34

Tehu hataholi Farisi la lafa'da lae, “Nitu mangau kala malanga na, nde fen koasa, fo ana usiheni nitu mangalauk sila la.”

MARKUS 3:21

Hataholi la lafa'da lae, “Namulu so!” Nai lelek fo uma isi nala lamanene dede'ak ndia boema, leu lala fali kana.

YOHANIS 7:20

Boema hataholi makadotok sila la lae, “O mamulu ia so! See sanga taonisa O?”

YOHANIS 8:52

Boema hataholi Yahudi la lafa'da Yesus lae, “Besak ia ami bubuluk tete'e ka, O ia hataholi nitu sa'ek! Abraham no nabi la mate basas so. Tehu O mafa'da mae, ‘Hataholi manatunga O dede'a-kokola ma, neukose ana ta mate losa dodoo na fa.’

HATAHOLI 26:24

Paulus bei kokolak dede'a nasala'e oa na te Festus nasapala ma nae, “O mamulu ia so Paulus! O malela makadotoina ma, nde tao na o mamulu a!”