YOHANIS 10:10 - Susula Malalaok Hehelu Palak Ma Hehelu Beuk

¹⁰ Nakodaa ka'da ana mai namanako, nanisa, ma ana tao nakalulutuk basa hata lala'ena. Tehu Au mai, fo ela hataholi daebafa ka hapu so'dak, maso'da manaketu basa ta ka.

YOHANIS 10:10 Σταυροειδείς Αναφορές

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

MATEOS 18:10

“I'akouk! Fo boso makamumulu-makamamaek hataholi esa boen neme hataholi kadi'ianak ia la mai. Nanahu mafandendelek te, sila ata nusa so'da nala lahele tataas esa lai Au Amang manai nusa so'da ka matan. [

MATEOS 18:11

Nanahu Ana Hataholi ka Ana mai soaneu Ana fe so'dak neu hataholi mana mopo kala!]

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MATEOS 21:13

Boema nafa'da hataholi sila la nae, “Nai Susula Malalaok dale nana sulak nae, Manetualain nafa'da nae, ‘loke Au Uma nga soona lae Uma fo mamana huhule-haladoik.’ Tehu emi taon da'di mana bonga uma la ndunun!”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MARKUS 11:17

Basa boema, Yesus nanoli hataholi manai sila la nae, “Nai Susula Malalaok dale nanasulak nae leo ia: Manetualain nafa'da nae, ‘Neukose loke Au Uma nga lae, mamana huhule-haladoik ba'eneu leoina lala'ena.’ Tehu emi taon da'di manabonga uma la ndunu na!”

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

YOHANIS 10:1

“Au dede'ang ia tete'e ka la'en. Metema hataholi esa, ana kae tunga bi'i lalae a, te ana tunga lelesu a fa soona, hataholi nakodaa ma manabonga uma ndia, nanahu ana ta tunga lelesu a fa.

YOHANIS 10:11

Au nde manafoo malole. Manafoo malole a ana fe basa so'da na neu bi'ilopo nala.

YOHANIS 12:47

Hataholi fo lamanene Au nanoli nga, tehu ana ta tao tunga fan soona, Au ta nde huku nana fa. Nana Au ta mai aketu-ala'di daebafak ia fa, tehu Au mai fo Au fe so'dak neu daebafa ka.

YOHANIS 12:6

Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 5:40

Tehu emi ta nau mai leo Au a mai, fo emi hapu maso'da manaketu basa tak ndia fa.

YOHANIS 6:33

Nanahu Manetualain fe loti nde bee na, nde Ndia manakona neme nusa so'da ka mai, boema ana fe so'dak neu basa hataholi daebafa ka lala'ena.”

YOHANIS 6:51

Au nde loti manakona neme nusa so'da ka mai, fo loti manafe maso'da ka. Hataholi see na'a loti ndia soona, naso'da losa dodoo na. Nana loti fo Au sanga fen neu hataholi daebafa ka ndia, nde bee na Au ao paa nga nde ndia.”

ROMA 2:21

Tolanoo kala manoli hataholi fe'e kala, na tao le'e de tolanoo kala ta manoli aoina mala fa? Tolanoo kala manoli hataholi la fo boso lamanako, te se'kona tolanoo kala lamanako!

1 TIMOTIUS 1:15

Dede'ak ia, tete'e ka la'en hu ndia de, nandaa sipo kana ma tamahelen no dale katema tuak: “Kristus Yesus mai leo daebafak ia mai, fo Ana soi-tefa na hataholi masala-masingo kala.” Ma au nde hataholi masala-masingok fo, mangalauk nanseli a.

IBRANI 6:17

Manetualain kokolak no mahelek neu hataholi-hataholi mana sipo hala hehelu na, nae neukose Ana ta nasafali dale tutu'u na fa. Hu ndia de, Ana tama seluk soo-supak neu hehelun ndia.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.