YOHANIS 1:9 - Susula Malalaok Hehelu Palak Ma Hehelu Beuk

⁹ Mangale'do matetuk fo nangale'do nala basa hataholi daebafa ka, ana mai leo daebafa ka mai.

YOHANIS 1:9 Σταυροειδείς Αναφορές

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

MATEOS 6:23

Tehu metema emi mata ma keluha'bu ka soona, emi ao paa ma makiu-makahatuk. Da'di metema banuk manai emi ao paa ma dalek ndia, makahatuk soona, makahatuk ndia ba'u na seli!”

LUKAS 11:36

Metema emi ao ma lala'ena mangale'dok, fo makahatuk ta faa anak boen, soona emi aom ndia mangale'dok sama leo la'e banu ka pila na.”

YOHANIS 1:4

Dede'a kokolak ndia, maso'da ka huu na, boema maso'dak ndia, ana fe hataholi daebafa ka mangale'dok.

YOHANIS 1:7

Ana mai tui-benga la'eneu mangale'dok ndia, fo ela basa hataholi la lamahele.

YOHANIS 12:46

Au mai leo daebafak ia mai fo da'di mangale'dok, fo ela basa hataholi fo lamahele Au a, ala boso leo nai makahatu ka dalek.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 15:1

Yesus kokolak seluk nae, “Au nde ai huu angol matetu ka, boema Au Amang nde mana palusa osi a.

YOHANIS 6:32

Boema Yesus nafa'das nae, “Mamahele leona: te Au Amang nde fe emi loti matetu ka neme nusa so'da ka mai, te ta Musa fa.

YOHANIS 7:12

Hataholi makadotok mulai bengekutu la'eneu Yesus. Nggelok lae, “Hataholi ndia, hataholi malole.” Tehu nggelok bai soona lae, “Ta! Nana Ana tao na hataholi ba'u ka latofa-latalak so.”

1 YOHANIS 1:8

Metema ita tafa'da tae, ita sala-singon ta soona, ita ke'dindiu seluk ita ao ina na, fo no enok ndia, Manetualain ta nai ita dalen dale fa.

1 YOHANIS 2:8

Leomae leondiak boeo, au sulak paleta ia la, paleta beuk boe; nana ndo na, ita hapu titan nai Kristus ma emi ao inam dale. Nana makahatu ka boetai mopon, de mangale'do matetu ka, ana mulai nangale'do so.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.