YOHANIS 1:19 - Susula Malalaok Hehelu Palak Ma Hehelu Beuk

¹⁹ Basa manakoasa Yahudi manai Yerusalem-mala, ladenu ima mala lo Lewi hataholi nala, leu leo Yohanis leu, fo latanen lae, “O ia see?”

YOHANIS 1:19 Σταυροειδείς Αναφορές

YOHANIS 1:7

Ana mai tui-benga la'eneu mangale'dok ndia, fo ela basa hataholi la lamahele.

YOHANIS 10:24

nai lelek fo hataholi Yahudi la mai de lakabubua lai Yesus boboa kaisun. Boema lafa'dan lae, “O po'ilotak ami dale ma, naba'e losa faihi'da? Mafa'da no mangale'dok leona, metema tete'e ka Mane Mana Fe So'da ka nde O.”

YOHANIS 10:31

Boema hataholi Yahudi la hele seluk batu fo ala tapa Yesus.

YOHANIS 11:19

Hataholi Yahudi ba'u ka leu donge Marta no Maria, fo ala kokoe-nanasis, nana tolanoo na mamaten ndia.

YOHANIS 2:18

Basa manakoasa Yahudi la, ala la'ban Yesus lae, “So'ba O tao fe ami manda'di beuk esa, fo ana da'di buti nae, O hapu hak tao leo iak.”

YOHANIS 2:20

Boema lafa'da Yesus lae, “Ami mafofo'a Manetualain Uman ia, teuk hahulu ne dale na. Tehu O mae, O mafofo'a fali kana ka'da nai faik telu dale na?”

YOHANIS 5:10

Hu ndia de, basa manakoasa Yahudi la lafa'da hataholi fo besa ka ana hai ndia lae, “Faik ia fai Sabat. De o boso lu'a o ne'a ma.”

YOHANIS 5:15

Boema hataholi ndia la'o leona, de neu nafa'da basa manakoasa Yahudi la nae, Yesus nde tao nahai au a.

YOHANIS 5:16

Hu ka nde Yesus tao nahai hataholi la'e fai Sabat, boema ala mulai tao lakatoto'a-lakasosotak Yesus.

YOHANIS 5:18

Dede'a-kokolak sila la nde tao la basa manakoasa Yahudi la sanga enok lakandoo, fo ala taolisa Yesus. Ala tao enok ndia, nana ta ka'da Yesus la'olena agama nakanenete na la'eneu fai Saba ta fa, te hu ka nde Yesus nafa'da nae, Ndia Aman nde Manetualain, fo dede'ak ndia sosoa na nae, Yesus nakasasamak aoina na no Manetualain.

YOHANIS 6:41

Boema hataholi Yahudi la mulai lakamu Yesus, hu ka nde nafa'da nae, “Au nde loti fo manakona neme nusa so'da ka mai a.”

YOHANIS 6:52

Hataholi Yahudi la lamanene dede'ak ndia boema, esa nale'a no esa. Lae, “Eno na tao leo beek, de hataholi ia nae, Ana fe ao paa na fo ita ta'an?”

YOHANIS 7:1

Basa ndia boema, Yesus neu leo basa mamanak lala'ena, nai Galilea. Ana ta nau neu leo Yudea neu fa, nana basa manakoasa Yahudi manai Yudea la lape'da dalek lon fo ala sanga taolisan.

YOHANIS 7:11

Ana losa feta boema, basa manakoasa Yahudi la ala sangan de betane lae, “Te Ana mai de nai bee?”

YOHANIS 7:15

Basa mana koasa Yahudi la dodoo doa kana, boema bekola lae, “Tao leo bee de, hataholi ia nalelak basa dede'ak sila la, te see ko na, Ana ta sakola nita fa?”

YOHANIS 8:22

Boema manakoasa Yahudi la beekola lae, “Fafa'kama Ana sanga do'do aon ia, nanahu nafa'da nae, ‘Neu leo mamana ka, emi ta hapu losa fan.’ ”

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

YOHANIS 8:52

Boema hataholi Yahudi la lafa'da Yesus lae, “Besak ia ami bubuluk tete'e ka, O ia hataholi nitu sa'ek! Abraham no nabi la mate basas so. Tehu O mafa'da mae, ‘Hataholi manatunga O dede'a-kokola ma, neukose ana ta mate losa dodoo na fa.’

YOHANIS 8:57

Boema hataholi Yahudi la lafa'da Yesus lae, “O teu ma beita dai limahulu boen te, O mafa'da mae, O mita Abraham so?”

HATAHOLI 13:25

Ma nai lelek fo Yohanis sanga nakababasak ue-le'din boema, nafa'da hataholi la nae, ‘Tunga emi hahapu ma, see au ia? Au ta nde Hataholi fo emi mahani talu-talu ka fa. Mafandedelek, te basa au fai nga soona, neukose Hataholi ndia Ana mai, fo leomae o'duheni ta'bu ei na boeo, au ta andaa fa.’

HATAHOLI 19:4

Boema Petrus nae, “Yohanis salani hataholi fo ana tukatei-saledale neme sala-singon mai. Tehu Yohanis boeo nafa'da hataholi Israe la fo ala muse lamahele Hataholi esa, neukose Ana mai nakabuik neme au mai, fo Hataholi ndia nde Yesus.”

ULANGAN 24:8

Metema, hapu he'di lou mangalauk, fo imam-mala paleta emi tao beek soona, taon no malolen-na; tunga natutu'duk fo, au fen neu imam sila-la.

1 YOHANIS 1:5

Halak ia nde ami mamanenen neme Manetualain Ana na mai. Boema ami manduku-malosa kana neu emi. Halak ndia nafa'da nae, Manetualain ndia, mangale'do ka huu na. Ta hapu makahatuk faa anak nai dalek boen.