YOHANIS 1:18 - Susula Malalaok Hehelu Palak Ma Hehelu Beuk

¹⁸ Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 1:18 Σταυροειδείς Αναφορές

KEJADIAN 16:13

Hagar dodoo nai dalen dale nae, “Tete'ek-ka au ita Manetualain, fo manataoafik neu au-a so?” Boema noke Manetualain, fo manakokolak non nana, nae, “Manetualain, Fo Manataoafik.”

KEJADIAN 18:33

Lelek Manetualain kokolak basa no Abraham boema, Ana la'o, ma Abraham fali ne'un leo uman neu.

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

KELUARAN 24:10

de lita Israel Manetualain-na napadeik nai hata esa lain, sama leo uma latek fo nanataok neme batu nilam-ma mai, ma mangale'dok sama leo lalai-a namaneu.

AMSAL 8:30

Au ka'da nai boboan-na da'di leo ana susuen-na su'di faik au nde been-na ndia tetu teman-na; au akaminak tataas esa nai matan-na.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

RATAPAN 2:12

Ala sota no kikiik-ka loke inan nana'ak ma nininuk. Ala bala leu enok-kala lain, sama leo hataholi makahinak-ka, boema mates lai inan-nala ifan lain.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 12:41

Yesaya nafa'da nae leondia nana, nita basa Yesus matua-mademan so. Hu ndia de ana kokola kana.

YOHANIS 13:23

Yesus ana manatungan fo Yesus sue-lai ka, nangatuuk nai Yesus boboa na.

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

YOHANIS 17:6

Au fe Ama ka nalelak basa hataholi daebafak fo Ama ka fe basan neu Au so. Hataholi sila la, Ama ka nuun, boema Ama ka fe basa-basas leo Au mai, de ala tunga Ama ka dede'a-kokolan so.

YOHANIS 3:11

Mamahele leona: te ami kokolak ka'da hata fo ami bubulu kana, boema ami mitan leo beek soona, ami mafa'dan leondiak; tehu leondiak boeo, emi ta nau mamahele ami hala nafafa'dam sila fa.

YOHANIS 6:46

Au kokolang ia ta nanuu sosoak nae, hapu hataholi nita hai Ama ka so. Nana ka'da Ndia fo maneme Manetualain mai a, nde nita Ama ka.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

ULANGAN 4:12

Basa boema, Manetualain kokolak no emi, neme ha'i dale mai, de emi mamanene halan-na, tehu emi ta mita mata-panan leo beek fa.

KOLOSE 1:15

Kristus nde bee na Manetualai naoina na dula mangale'don fo nananita tak, Kristus nde bee na ana uluk, fo lena heni basa hata nananaka da'dik lalae'na.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

YOSUA 5:13

Faik esa boema, Yosua nai mamanak esa, deka no Yerikho. Kaiboik, nita touk esa, napaadeik nai matan-na, no tafainan-na nai liman dale. Yosua neu deka no hataholi ndia, de natanen nae, “O ia, tia-laik do musu?”

1 YOHANIS 4:12

Beita hapu hataholi esa boen, hapu nita Manetualain fa, tehu metema ita tasue-talai ao soona, Manetualain naso'da no ita, fo susue-lalain natetu-nandaa nai ita dalek.

1 YOHANIS 4:20

Metema hataholi esa nafa'da nae, “Au sue-lai Manetualain”, tehu ana ta sue-lai tolano na fa soona, hataholi ndia masapepeko-masandandalik. Nana leomae hataholi ndia memetek tolano na boeo, ana ta sue-lai fan, na neme bee mai a, ana hapu sue-lai Manetualain fo nananita tak ndia.

1 YOHANIS 4:9

Manetualain nafa'da nae, Ana sue-lai ita, hu ndia de Ana fe Ana mane kisa na mai leo daebafa ka mai, fo daenga ita hapu so'dak tunga Anan ndia.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.