YOEL 3:16 - Susula Malalaok Hehelu Palak Ma Hehelu Beuk

¹⁶ Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

YOEL 3:16 Σταυροειδείς Αναφορές

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 61:3

Dook-ka neme uma mai, au aloo bou-bou neu O, nanahu ketu au namahehenang-nga. Neukose O moo au leo mamana nalaik fo nee-nee lino-linok, mamanak fo mademaina nanseli ba'eneu au;

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

YESAYA 33:21

Neukose, Manetualain natu'du matua-mademan neu ita. Neukose, ita taso'da nai lee maloa su'un-na fo, ofa musu-a ta tunga ndia fa.

YESAYA 42:13

Manetualain tutulumatak, de natee-natati sama leo palani tatibatu esa, sama leo solda'du esa, manggate nanseli natee-natatik-ka. Ana so'uk eeki natee-natatik-ka, ma natu'du balakain-na neu musu non-na.

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 17:17

O boso da'di hata esa fo nakabibik au daleng-nga. O da'di mamana nafufunik ba'eneu au, metema totoa-tataak-ka mai.

YESKIAL 38:19

Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

HAGAI 2:6

Ta dook-ka so'on, te neukose Au anggenggengok lalai-a, ma daebafak-ka, daema'dak-ka ma tasi-a.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 9:12

Fali leon, hai hataholi nanafook-kala lemin, besak ia, emi manuu namahehenak so. Fali me'um-ma leo emi mamana nasulu-nahapam meu, Neukose Au ba'e-pala ahele emi. Mamanene leona: Neukose Au ba'e-pala emi diku la'i dua nanahu basa doidosok lala'en, fo emi la'ola'din.

IBRANI 12:26

Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 16:18

Boema ndela sa tuti-nato ma ta'ta sa nata'ta, ma dae nanggengo matuaina. Beita la'iesa fo dae manggengo matak leondia ka ana da'di, mulai neme hataholi daebafa ka nananakadada'di kana. Dae manggengok ia nde bee na dae manggengok matuaina nanseli!

SEMUEL SUSULAK-KA ESAN-NA 15:29

Israel Manetualain Fo Mandela-masa'ak-ka, Ana ta nau nasapepeko-nasandandali fa, ma Ana ta nau nggati seluk nakeketun-na boen, nanahu hataholi daebafak ta Ndia fa.”