YESKIAL 9:5 - Susula Malalaok Hehelu Palak Ma Hehelu Beuk

⁵ Au amanene Manetualain nafa'da hataholi fe'ek-kala nae, “Tunga hataholi ndia, leo basa kota bu'u-bu'un-nala neu, fo taomisa basa hataholi-la; boso fe do'o do ampon neus.

YESKIAL 9:5 Σταυροειδείς Αναφορές

1RAJA-RAJA 18:40

Boema Elia nafa'da nae, “Ho'u ma nabi Baal-la sila-la. Boso po'ilotak esa boen nala deak!” Boema hataholi-la ho'u la nabi Baal-la sila-la, de basa boema Elia nos leo Lee Kison-na, de ala losa naa boema, ana taonisa la'iesa kasa.

KELUARAN 32:27

de nafa'das nae, “Israel Manetualain fo emi Manetualaim-ma paleta emi esa-esak fo fe'a na emi tafainam-ma, fo ana la'ok tunga mamana ofu ia, neme lelesuina ia leo lelesuina eli neu boema ana taonisa emi tolanom-mala, tia laim-mala ma uma titia-tataim-mala.”

YESAYA 13:18

Neukose, ala kou lisa hataholi muli-soluk-kala nenik sila kokoun-na. Ala ta sue ni'iana bongi beuk-kala, ma dalen-nala ta sue-lai neu ni'iana-la fa.

YESAYA 22:14

Manetualain Fo Mademaina, ma Manakoasa, natu'du aoinan-na neu au, de nafa'da nae, “Te'e-te'e, neukose Au ta fe do'o do ampon neu sila sala-singon-nala fa, losa ala mate. Au, fo Manetualain nde manakokolak-ka.”

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

SEMUEL SUSULAK-KA ESAN-NA 9:15

Saul beita mai fa te, Manetualain fe Semuel hala-heheluk-ka nae leo ia,