YESKIAL 8:9 - Susula Malalaok Hehelu Palak Ma Hehelu Beuk

⁹ Nafa'da au nae, “Muu leo dalek muu, fo mete ala tao tatao-nono'i ta kandaak-kala, ma nanamaluak-ka nai ndia.”

YESKIAL 8:9 Σταυροειδείς Αναφορές

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

YESKIAL 8:6

Boema, Manetualain nafa'da au nae, “Hai hataholi daebafak fo, manasapu-manalalok-konei, O mita beek ana da'di so? Taoafik neu hataholi Israel-la, ala tao tatao-nono'i nanamaluak-ka, fo ela Au dook-ka eme Au Umang-nga mai! Mai fo, Au atu'du o, tatao-nono'ik-kala, ta kandaak lena seluk bai.”

YESKIAL 8:8

Nafa'da au nae, “Hai hataholi daebafak fo, manasapu-manalalok-konei, tao mamaloa bolok ia.” Au tao amaloa basan boema, au ita lelesu esa.