YESKIAL 6:9 - Susula Malalaok Hehelu Palak Ma Hehelu Beuk

⁹ nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YESKIAL 6:9 Σταυροειδείς Αναφορές

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESAYA 7:13

Boema Nabi Yesaya nafa'da nae, “Metema leondiak soona, mamanene leon, hei Manek Dauk-ka tititi-nonosin-na nei! Ade, emi fola hataholi daebafak-ka hahae nalun-na, de beita dai fa, nalosa emi fola au Manetualaing-nga hahae nalun-na boe do?

MAZMUR 78:40

Ala lalena langa-lasa'ba soo neun, la'i de'u bee, ma ala tao lakahehe'dik dalen-na, neme moo solokaek-ka.

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

ZAKHARIA 10:9

Leomae Au tao tapasasalas leo leoina-la tala'da leu boe, neukose lafandendelek lahele Au nai naa. Neukose laso'da, leondiak boe, anan-nala ma neukose, ala fali sama-sama leo nusan-na mai.

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

YESAYA 43:24

O ta asa boomenik kaboomenik, soaneu Au fa, o ta tao mamahoko Au daleng-nga, nenik o tutunu-hohotum minan-na fa. Nasafalin-na, o fe Au lelepa mabela, nenik o sala-singom-mala, o tao susa Au, nenik o salam-mala.

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

AMOS 2:13

Besak ia, neukose Au ne'e emi losa dae lain, nalosa emi nggiso-nggasi sama leo kaleta fo henuk no gandum-ma.

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

YESKIAL 12:16

Neukose Au soi-tefa ala, sila lumanak leme natee-natatik dale, leme la'a-ndoes-sa, ma leme he'di-laus-sa mai, fo ela nai leoina nusa dea sila-la tala'daheon, neukose ala bubuluk, lae sila tatao-nono'in ta kandaak makandondook fa. Soona neukose, ala manaku, lae Au nde Manetualain-na.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

MAZMUR 137:1

Ami mangatuuk nai lee Babel-lala su'un-na, de ami kii, metema ami mafandele Sion.

2RAJA-RAJA 16:10

Lelek mane Ahas-sa, neu leo Damsyik neu, fo natongon-no Mane Tiglat-Pileser-ra boema, nita mei tunu-hotuk nai kota ndia. Boema, ana haitua mei tunu-hotuk ndia lupan-na, ma uuku-dodou matetun-na, leo Imam Uria nai Yerusalem.

YESKIAL 6:10

Soona neukose, ala bubuluk, lae Au nde Manetualain-na, ma lae Au fe sila nasanene'dak-kala, ta nasanene'da bafalouk fa.”

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 23:30

neni fe o ua-nale mangalauk ia. O da'di ina manasosoa-piaok ba'eneu leoina-kala, ma o tao manggenggeo o aoinam-ma nenik leoina sila-la sosongo-tatangon-nala.

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

MIKHA 5:13

Dewi Asyera lutu batu sosongon manai emi nusam-ma, neukose Au ta atu'un, ma emi kota-kota makota musum-mala, neukose Au tao akalulutuk-kasa