YESKIAL 41:13 - Susula Malalaok Hehelu Palak Ma Hehelu Beuk

¹³ Touk ndia, ana uku Manetualain Uman-na nanalun-na, de metel limahulu. Neme Manetualain Uman-na boboan deak, losa uma matuaina manai boboak muli, papala nanadaman deak, lelan-na metel limahulu boe.

YESKIAL 41:13 Σταυροειδείς Αναφορές

YESKIAL 40:47

Touk ndia, ana uku uma so'dan manai dalek-ka. Uma so'dak ndia balakak: nalun-na metel limahulu, ma loan-na metel limahulu. Manetualain Uman ndia, nai boboak muli, ma mei tunu-hotuk esa nai matan-na.

YESKIAL 41:12

Nai uma so'dan muli selik, hapu uma matuaina-la fo nanalun-nala metel haahulu lima, ma loloan-nala metel teluhulu lima, ma papalan-nala kakaten-na, metel dua seselik.

YESKIAL 41:14

Neme Manetualain Uman-na uluk, fo nasale leo dulu neu, no uma so'dan-na nai kii-kona, loloan-na metel limahulu boe.

YESKIAL 41:15

Touk ndia boeo, ana uku uma matuaina fo, nasale leo uma so'dan muli neu, de loloan-na metel limahulu, fo papala kii-konan, nanalekek nai dalek boe. Kama-kama manai Manetualain Uman-na, kama muka, Mamanak Fo Malalao-malalafuk-ka, ma Mamanak Fo Malalao-malalafuk nanseli,

YESKIAL 42:1

Basa boema, touk ndia noo au leo uma so'dan manai deak-ka neu, de ana ho'u-na au limang-nga, boema ana hela no au leo uma nggelok, lai Manetualain Uman-na, boboan kii neu, fo ta dook-ka neme uma matuaina manai, Manetualain Uman-na boboan muli.

YESKIAL 42:2

Uma ndia nalun-na, metel limahulu, ma loan-na, metel duahulu lima.