YESKIAL 39:23 - Susula Malalaok Hehelu Palak Ma Hehelu Beuk

²³ Ma basa leoina-kala, neukose ala bubuluk, lae hataholi Israel-la, nanafook leo mamana tu'u-tapak neu, nanahu sila sala-singon neu Au-a. Au la'oelas so, ma Au po'ilotak musu-a sengis, de musu-a taonisas lai natee-natatik dale.

YESKIAL 39:23 Σταυροειδείς Αναφορές

YESAYA 59:2

Hu kande emi tatao-nono'i mangalaum-ma, de Ana ta nau namanene emi, nai lelek emi hule-haladoi neun. Emi sala-singom-mala nde ta'da fe'e emi neme Manetualain mai-a.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

YESKIAL 36:36

Soona leoina titia-tataik fo, bei elak-kala, neukose ala bubuluk lae Au, Manetualain nde nafofo'a falik kota-kota fo, lakalulutuk sila, ma foi-fala seluk, tina tokotik-kala. Au fo Manetualain, nde manakokolak-ka, de tao leo bee-o, neukose nanatao natetuk.”

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

YEREMIA 33:5

palsuma la'i esak-kana la'ban hataholi Babel-la, nanahu dede'ak ndia ka'da Ana taon-na kota ia henuk no hataholi-la popolan-nala fo Au taoisas nai Au nasa-melung-nga dalek soaneu sila. Au ta mete-lakanae kota ia fa, nanahu ala tao-no'i hata fo mangalauk-ka.

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

MAZMUR 106:41

Boema, Ana fe henis leo leoina fe'ek-kala neu, Ana po'ilotak musu koasas.

MAZMUR 30:7

Lelek au ame'da au daleng-nga tesa-tama, au afa'da ae, “Neukose au ta anggengo duku dodon-na!”

MAZMUR 10:1

Ou Manetualain tao le'e de, O nai dook-ka, ma mafuni, lelek ami nai to'a-taak-ka dalek?

HAKIM-HAKIM 3:8

Boema, Manetualain namanasa hataholi Israel-la, de Ana po'ilotak Manek Kusyan-Risyataim neme Mesopotamia, ana sengis. Manek ndia koasas teuk 8 dalen-na.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YESKIAL 7:22

Neukose, Au mete leo fe'ek neu, metema nakodaa sila-la, ala tao lalutu Au Umang-nga, ma ala tao langgenggeon.

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.