YESKIAL 24:9 - Susula Malalaok Hehelu Palak Ma Hehelu Beuk

⁹ Manetualain Fo Mademaina, nafa'da nae, “Soe ba'eneu kota fo henuk no kanisak-ka! Au mesang-nga nde, neukose akaduduluk ai fo hotuheni kota ndia.

YESKIAL 24:9 Σταυροειδείς Αναφορές

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESKIAL 21:2

“Hai hataholi daebafak fo, manasapu-manalalok-konei, Soo-supa mamana huhule-haladoik manai naa leona! Fe nasanene'dak neu dae Israel-la,

YESKIAL 21:3

mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.

YESKIAL 22:2

“Hai hataholi daebafak fo, manasapu-manalalok-konei, ade o maheheleaom basa, soaneu maketu-mala'di kota fo, henuk no kanisak ndia so do? Matu'dun basa tatao-nono'in fo, nanamaluak lala'en-na.”

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 24:10

Tama seluk ai ha'i-na! Nggengge'u mahele ha'i-na! Nasu paan-na leona! Po'aheni paa oen-na. Hotuheni duin-nala!

YESKIAL 24:5

Pake bi'ilopo maao paan-na, boema boso pake bi'ilopo lasik paan-na. Tu'tuk ai ha'i ba'uk-ka neu, fo paa nakadoto pesi-pesi. Nasu paa ndia no duin-nala.”

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

NAHUM 3:1

Soe ba'eneu kota ia, fo henuk no masapepeko-masandandalik ma kanisak; henuk no bua-lo'a naseti-nalakak, do bua-lo'a namoak.

HABAKUK 2:12

O nanasoo-supak! O mapadedeik kota neu tatao-nono'i mangalauk lain, ma o mafofo'an nenik kanisak.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

NINITAK 14:20

Ala ka'bi angol boak sila la nai kota deak, de daa ka faa neme mamana kaka'bi angol ndia mai a, sama leo lee a faa, dodoo na kilo natun telu, ma dedema na hihii nae metel dua.

NINITAK 16:19

Kota matuaina ndia heaba'en neu baba'ek telu, ma basa nusaina manai daebafa ka, kota nala boeo lakalulutuk. Boema Manetualain nafandele na Babel fo kota matuaina ndia. Manetualain fen ninu angol neme Ndia nggalaa na mai – fo nde angol nasa-melun manalua ponu-ponu na.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”