YESKIAL 22:3 - Susula Malalaok Hehelu Palak Ma Hehelu Beuk

^3-4 Manetualain Fo Mademaina, nadenu au fo, anduku-alosak hala heheluk ia, neu Yerusalem nae, “O masala, nanahu o taomisa o laum makadotok so, ma o tao manggenggeo o aoinam-ma, nenik o sene-do'ok neu sosongo-tatangok fo, o tao-kala. Hu ndia de, o fai naketu-nala'dim-ma, ana deka so, fo no lai-laik, mopo o na'dem-ma. Au po'ilotak leoina-kala, ma basa nusak-kala, ala hakinonoli ma ala hika o.

YESKIAL 22:3 Σταυροειδείς Αναφορές

2RAJA-RAJA 24:3

Memak, dede'ak ndia muse ana da'di, nanahu Manetualain nafa'da basa, nae neukose leoina Yehuda, nanatu'u-tapa henik, neme Manetualain fes nusak-ka mai. Sila nanatu'u-tapa henik, hu kande Mane Manasye-a, tao basa sala-singok-kala;

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESKIAL 12:25

Au, Manetualain Fo Mademaina, kokolak neu leoina Israel-la, ma basa hata fo Au afa'dan, tao leo bee-o neukose ana da'di no lai-laik. Mamanene leon, hai leoina malenalanga-masa'basook-kala lemin! Nai tepo-lelek o maso'da, neukose Au akalala'ok basa hata lala'en fo, Au afa'dan neu o. Au, Manetualain Fo Mademaina, nde manakokolak-ka.”

YESKIAL 22:2

“Hai hataholi daebafak fo, manasapu-manalalok-konei, ade o maheheleaom basa, soaneu maketu-mala'di kota fo, henuk no kanisak ndia so do? Matu'dun basa tatao-nono'in fo, nanamaluak lala'en-na.”

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 22:6

Basa mauli-malangan Israel-la, lamahena be'i-balakain-nala, de ala tao tatao-nono'ikanisak.

YESKIAL 23:37

Ala tao-no'i tatao-nono'i hohonge ma kanisak; ala hohonge basa loo sosongo-tatangok-kala, ma ala taolisa, ala bongi fe Au ni'iana-la. Ala tunu-hotu fe ni'iana sila-la, neu sila sosongo-tatangon-nala so.

YESKIAL 23:45

Tehu neukose, hataholi ndoos-sala laketu-lala'di hataholi ka'a-fa'di ka duak sila-la, nenik enok hohonge, ma kanisak-ka, nana memak sila lasala so.”

YESKIAL 23:7

Ohola sosoa-piao no manapaleta matua-madema sila-la. Bai te, hu kande nasa sosoa-piaon nasuu nanseli, de ana tao nanggenggeo aoinan-na, nenik ana sene-do'ok neu hataholi sila sosongo-tatangon-nala.

YESKIAL 33:25

Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

MIKHA 3:10

Emi mafofo'a Yerusalem, fo Manetualain kotan-na, nenik kanisak ma ta tunga ndoos ma matetuk-ka fa.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.