YESKIAL 13:10 - Susula Malalaok Hehelu Palak Ma Hehelu Beuk

¹⁰ Hai nabi masapepekok-kala lemin! Emi taom-ma Au anang-ngala latofa-latalak, nenik emi mafa'da mae basa hata lala'en-na, nee-nee lino-lino. Te se'kona ta leondiak fa! Au anang-ngala, ala tao papala nanadamak nenik batu bata, de basa boema emi mai de, emi lose ha'o neu papala nanadamak sila-la.

YESKIAL 13:10 Σταυροειδείς Αναφορές

YESKIAL 22:28

Basa nabin-nala, lafuni sala-singok sila-la, sila sama leo hataholi fo, ana lose ha'o neu papala nanadama manggenggeok-ka. Sila ninitan-nala, pepekok, leondiak boe, sila dede'a nananafa'da elan-nala. Ala manaku lae sila landuku-lalosak hala heheluk-ka nde been-na, sila sipon neme Manetualain Fo Mademaina mai, te se'kona, Au ta kokolak o sila la'iesa boen.

YESKIAL 13:16

hai nabi masapepekok-kala lemin! Emi malame'i mae Yerusalem nee-nee lino-lino, te se'kona ta leondiak fa!” Manetualain Fo Mademaina, nafa'da nae leondia.

YEREMIA 14:13

Boema au afa'da ae, “Ou Manetualain Fo Madema ina, O bubuluk te nabi-nabi-la lafa'da basa neu laun-nala lae, neukose ta hapu natee-natatik do la'a-ndoes, nanahu O helu basa mae, nai nusak ia hapu ka'da mole-dame.”

YEREMIA 8:11

Ala mete Au anang-ngala bisun-nala soona, lae ka'da bisu anak mesan. Lafa'da lae, ‘Ah, ta hata-hata fa, basa-basas malole, ma ta hata-hata fa.’ Te se'kona, ta makandondook.

YEREMIA 6:14

Ala mete Au anang-ngala bisun-nala soona lae, ka'da bisu anak mesan. Lafa'da lae, ‘Ah, ta hata-hata fa,’ basa-basan malole ma ta hata-hata fa. Te se'kona, ‘ta leondiak makandondook fa.’

2RAJA-RAJA 21:9

Tehu, hataholi Yehuda-la ta tunga Manetualain fa, ma nakalenak, hu kande Manasye, de ala tao sala-singok, fo mangalaun-na lena heni sala-singok fo nanatao-no'ik neme leoina fo, Manetualain usi henis leme Kanaan mai, nai lelek hataholi Israel-la masok kota ndia.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

1 YOHANIS 2:26

Au sulak fe emi susulak ia, la'eneu hataholi mana sanga enok fo ala sanga ke'dindiu emi a.

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

1 TIMOTIUS 4:1

Manetualain Dula Dale na nafa'da no mangale dok nae, nai fai-fai mana mai ka te, hataholi nggelok fali deak fo lalelesi Kristus. Neukose ala tunga dula dale manga lau kala nanoli nala,

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

YESKIAL 7:25

Dale he'dik-ka, ma ketu namahehenak-ka, tuni-ndeni nalas, boema ala sanga mole-dame-a, tehu ala ta hapu fan.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YEREMIA 28:9

Tehu Nabi mananeuk mole-dame-a, ka'da hapu nananamahelek da'di leo nabi fo te'e-te'e nananadenuk neme Manetualain mai, metema ana neuk-kala da'di mata-nitak.”

YEREMIA 23:17

Ba'eneu hataholi-hataholi fo tanau lamanene Au hala-kokolang-nga fa, ala lafa'da tatas esa lae, ‘Neukose emi maso'da-mamole.’ Ma neu basa hataholi fo malanga batuk-ka, ala lafa'da lae, ‘Neukose o ta hapu susa-soe fa.’ ”

YEREMIA 8:15

Palsuma la'iesak-kana, ita tamahena mole-dame, ma le'do-fai lea-haik-ka, nana hapuk-ka nde, ka'da naseti-nalakak mesak-kana.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

YESAYA 57:21

Ta hapu tetu-temak, ba'eneu hataholi masala-masingok-ka fa,” Manetualain nae leondia.

YESAYA 30:10

Ala lafa'da basa nabi-la lae, “Boso mahahala! Boso mafa'da ami, hata fo ndoos-sa, te mafa'da ami, hata fo ami hii mamanenen. Nemen-na fo, ami dodoo dede'a me'i-afek mahele.

AMSAL 12:26

Hataholi malole-a, naua-nanale lena heni uma titia-tatain-na; hataholi mangalauk-ka natofa-natalak, nanahu tatao-nono'i mangalaun-na.

2TAWARIKH 18:12

Ndia te hataholi mananeu-nala Mikha, nafa'da Mikha nae, “Basa nabi fe'ek-kala lafa'da ela sesengik soaneu manek-ka. Ela leo bee na Ama boeo nafa'da ela hata malole sama leo sila nafa'dan-na boe.”

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.