YESKIAL 11:5 - Susula Malalaok Hehelu Palak Ma Hehelu Beuk

⁵ Basa boema Manetualain Duladalen-na poti-na au, de Manetualain nadenu au, fo au afa'da hataholi Israel-la ae, “Hai leoina Israel-la, Au bubuluk hata fo emi mafa'dan, ma hata fo emi tutu'un nai emi dalem dale.

YESKIAL 11:5 Σταυροειδείς Αναφορές

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YESKIAL 2:2

Nai lelek au amanene halak ndia boema, Manetualain Duladalen-na, ana masok leo au aoinang dale neu, de ana tao-na au apadeik atetu. Basa boema, au amanene seluk halak ndia nafa'da nae,

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

YESKIAL 3:11

Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

YESKIAL 3:24

tehu Manetualain Duladalen-na, ana masok leo au dalek mai, de ana hela nafofo-a au. Boema Manetualain nafa'da au nae, “Fali mu'um-ma, fo mahele meme uma dale.

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESKIAL 8:1

Nai hataholi Yahudi-la bula ka nee-a, fain lima, fo nai tepo-lelek ami nanatu'u-tapak leo mamana tu'u-tapak, teu ka neen-na, boema hataholi Yehuda nanatu'u-tapak-kala, mauli-malangan-nala, ala mai leo au umang mai, de ami mangatuuk sama-sama. Boema, no kaiboik, Manetualain Fo Mademaina koasan-na, ana koasa-na au.

MARKUS 2:8

Nai lelek ndia boe, Yesus bubuluk mese agama sila la dudu'a-aafin. Boema nae, “Tao le'e de emi matane leondiak nai emi dalem dale?

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

HATAHOLI 10:44

Lelek fo Petrus bei kola-kola te, Manetualai Dula Dale na kona mai de ana koasa na basa hataholi mana mamanene tutui-bebengak sila la.

HATAHOLI 11:15

Petrus kokolak nakandoo nae, nai lelek fo au mulai kokolak ae leondia, boema Manetualain Dula Dale na kona neu hataholi sila la, sama leo makahulu na ana da'di neu ita.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

YAKOBIS 3:6

Maa ka, sama leo ha'i a. Nai ao paa ka, maak ndia nde nakadada'dik mangalau ka, fo nananama leo basa ao ina ka lala'ena neu. Fo ana tao nakalulutuk lita so'da na lala'ena, hu ka nde nanahotuk ninik ha'i fo maneme tasi ha'i ka mai a.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 10:10

Lelek Saul no malalau-maoonon losa Gibea boema, latongo loo nabi bubuak esa. Nai hatematak ndia boe, Manetualain Duladalen-na koasa Saul, de ana tunga nabi sila-la fofoti-lolongen ma eekin-nala.

SEMUEL SUSULAK-KA ESAN-NA 10:6

Nai hatematak ndia boe, neukose Manetualain Duladalen-na koasa o, fo neukose o tunga hataholi sila-la fofoti-lolongen ma eekin-nala, boema ala fe o ha'da-palii beuk, nalosa o masafali da'di hataholi fe'ek.