YEREMIA 17:2 - Susula Malalaok Hehelu Palak Ma Hehelu Beuk

² Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

YEREMIA 17:2 Σταυροειδείς Αναφορές

2TAWARIKH 24:18

Boema laun-na ta sene-do'ok nai Manetualain Uman, fo sila bei-ba'i kain Manetualain-na so'on, tehu ala sene-do'ok neu sosongo-tatangok ma lamatua daebafa Inak Asyera dodoki-dudulan. Sila sala-singon ndia taon-na Manetualain namanasa Yehuda ma Yerusalem.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 33:3

Mamana sosongo-tatangok fo aman Hizkia tao nakalulutuk-kasa, ana nafofo'a falik-kasa. Ana nafofo'a mei tunu-hotuk soaneu sene-do'ok neu Baal-la, ma ana tao lamatua daebafa Inak Asyera dodoki-dudulan, boema ana sene-do'ok neu nduuk-kala.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

YESAYA 1:29

Neukose ala hapu mamaek, nanahu ala sene-do'ok neu ai ina-la, ma ala fe hehelik lamatua daebafak-kala osi-lutu.

YESAYA 17:8

Neukose ala ta lamahena sila ue-osan buna-boan so'on, fo nde mei tunu-hotuk fo mamana tutunu boomenik-ka, ma lamatua daebafa Inak Asyera dodoki-dudulan.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 3:23

Palsuma la'iesak-kana, ami sama-sama meu sene-do'ok neu sosongo-tatangok, nai letek-kala poin-na! Tutulu-fafalik soaneu Israel, ana mai ka'da neme ami Amam Manetualain mai.

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YEREMIA 7:18

Ni'iana-la hila ai, ma touk-kala lakafu'dik ha'i, ma inak-kala kame ha'desopuk, fo ala tao kokis fe lamatua daebafa inak, fo ala foin na'de, Ina Manek Nusa so'dak. Sila boeo, tunu-hotu fe lamatua daebafak fe'ek-kala angol, fo taok-kande lakahehe'dik Au daleng-nga.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

ULANGAN 12:2

Emi masok mala nusak ndia dalek soona, emi muse tao makalulutuk, leoina manaleo manai sila-la, mamana sene-do'ok neu sila lamatua daebafak nala. Mamana sosongo-tatangon manai letek mademaina-la poin-na, manai pupukuk-kala poin-na, ma manai ai matuaina-la huun-na.

HAKIM-HAKIM 3:7

Hataholi Israel-la, lasala-lasingo neu Manetualain, fo sila Manetualain-na. Lafandele henin, nalosa ala hule-haladoi neu sosongo-tatangok Baal ma Asyera.