YAKOBIS 5:9 - Susula Malalaok Hehelu Palak Ma Hehelu Beuk

⁹ Boso beemumu, ma esa boso fe salak neu esa boen, fo ela Manetualain boso huku emi. Mafandendelak! Te mana maketu-mala'di a, fai na deka de, nahehele aon sanga mai ia so.

YAKOBIS 5:9 Σταυροειδείς Αναφορές

KEJADIAN 4:7

Metema, o tao malole soona, tao leo bee-o, o hika-hume; tehu metema, o tao tatao-nono'imangalauk, soona sala-singok nahani, fo ana masok leo o dalem dale neu. Sala-singok sanga koasan-na o aoinam-ma, tehu o muse sengin.”

MAZMUR 59:15

Nai fai le'donoson-na, ala fali ma'is, ala nggoo sama leo busa, boema ala la'ok okofefeo kota.

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

IMAMAT 19:18

Boso balas nape'da dalek-ka, ma boso mamanasa hataholi fe'ek, tehu sue-lai emi nonoo hataholim-ma, sama leo emi sue-lai emi aoinam-ma. Au nde Manetualain.

MATEOS 24:33

Leondiak boe, metema emi mita dede'ak sila la da'di soona, bubuluk leo na te fai na ana deka nanseli so.

MARKUS 13:29

Leondiak boe, metema emi mita dede'ak sila la ala da'di soona, emi bubuluk mae, fai na deka nanseli so.

MARKUS 6:19

Hu ndia de Herodias nape'da dalek no Yohanis de ana nau taonisa Yohanis, tehu ta da'di fa nana Herodes napanggenggen.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

2 KORINTUS 9:7

Hataholi a esa-esak muse fe tunga dale hihii na. Ana boso fe no dale bibia-seselik, do hu ka nde laka-nakasetik, nana Manetualain sue-lai hataholi fo ana fe no dale namahokok.

GALATIA 5:14

Agama hoholo-lalanen lala'ena, isi na nai paleta esa nde ia dalek nae, “Ela leo bee na, o sue-lai o nonoo hataholi ma, sama leo o sue-lai o ao ina ma.”

GALATIA 5:26

Ita ta bole da'di hataholi mana koao-ndaeaok, ma ta bole esa tao nakahehe'dik esa dale na, boema ta bole esa nape'da dalek no esa fa.

YAKOBIS 4:11

Tolano-tolanoo ngala lemin! Esa boso nakamuu-nakadau esa, ma esa boso fe salak neu esa boen. Hataholi fo nakamuu-nakadau, do ana fe salak neu tolanoon fo duas sama-sama hataholi kamahehelek soona hataholi ndia nakamuu-nakadau ma ana fe salak neu Manetualain hoholo-lalanen nde ndia. Ma metema emi fe salak neu Manetualain hoholo-lalanen soona, ndia sosoa na nae, emi ta tunga hoholo-lalanek sila nde ndia fa te, emi da'di mana maketu-mala'di neu hoholo-lalanek sila la.

YAKOBIS 4:12

Te se'kona ka'da hataholi esa mesa kana, nde nanuu haak, fe hoholo-lalanek sila la neu hataholi daebafa ka, ma naketu-nala'di hataholi daebafa ka. Hataholi ndia nde, Manetualain fo nanuu koasa fe so'dak, ma hukunisa hataholi daebafa ka. Da'di, emi ia see, de nalosa emi nau fe salak neu emi nonoo hataholi ma?

YAKOBIS 5:10

Tolano-tolanoo ngala lemin! Mafandendelek basa nabi fo mana kokolak pake Lamatua ka na'de na, hataholi sila ta haelai lamanasa fa ma lakatatakak nai doidoso ka dalek. Hu ndia de, ho'i natutu'duk neme hataholi sila so'da na mai.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.

1 PETRUS 4:5

Tehu neukose, sila muse fe natataak neu Manetualain fo, nahehele aon basa, soaneu naketu-nala'di hataholi maso'dak ma mana mate kala so.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.

NINITAK 3:20

Mete leona! Te Au apadeik nai lelesu bafa na de Au dedelu. Metema hapu hataholi namanene Au hala nga, o ana soi lelesu a soona, neukose Au masok fo Au atongo on; neukose Au u'a sama-sama on, ma ndia na'a sama-sama no Au.