YAKOBIS 4:9 - Susula Malalaok Hehelu Palak Ma Hehelu Beuk

⁹ Ela leo bee na, emi tuka tei-sale dale no te'e-te'ek ma kikii-makaleleuk; ela leo bee na, emi hihika ma nasafali da'di kikiik, ma emi namahoko ma, nasafali da'di dale he'dik!

YAKOBIS 4:9 Σταυροειδείς Αναφορές

NEHEMIA 8:9

Lamanene Hoholo-lalanek ndia nanalees boema, laun-na dalen-nala he'dis nanseli, boema ala kii. Boema gobelnol Nehemia ma Imam Ezra fo malelaina nai Hoholo-lalanek ndia, boema hataholi Lewi manamafa'da mangalele'do Hoholo-lalanek ndia, lafa'da laun-na lala'en-na lae leo ia, “Faik ia, fai hehelik ba'eneu Manetualain fo emi Manetualaim-ma, da'di dalem-mala boso he'dis-sa, do kii.

AYUB 30:31

Makahulun-na, au amanene sasanu liik-ka, no namahoko-seteleek, tehu besak ia, ka'da kikii-makaleleuk mesak-kana.

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 119:67

Beita nanahukuk fa, te au la'ok heo so, tehu besak ia, au ho'u ahele O paletam-ma.

MAZMUR 119:71

Memak, malole lenak O huku au, fo ela au alelak O nakeketum-mala.

AMSAL 14:13

Nai hihikak-ka dean-na, fafa'kama hapu kikiik; ma namahoko-setelek-ka, hapu nate'e nenik luumata-pinuiduk.

PENGKHOTBAH 2:2

Au ame'da ae hihikak-ka nde been-na nggoak ma namahoko-seteleek-ka sosoa-ndandaan ta.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

RATAPAN 5:15

Ami mopo ami ua-nale malolem-ma so; fofoti-lolongek nasafali da'di manafaluk so.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

MATEOS 21:41

Lataa lae, “Tao leo bee o ana taonisa hataholi mana'a ngga'di mangalauk sila la, fo ana fe hataholi fe'ek se'ba osi angol ndia, fo neu fai na soona, hataholi ndia ana nau laba'e dae ndia isi na.”

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

LUKAS 6:25

Soe neu emi, fo makabete besak ia; nana neukose emi mamala'a! Soe neu emi, fo hika besak ia; nana neukose emi dale he'di, ma emi kii-makaleleu!