YAKOBIS 3:13 - Susula Malalaok Hehelu Palak Ma Hehelu Beuk

¹³ Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

YAKOBIS 3:13 Σταυροειδείς Αναφορές

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 107:43

Ela leo bee-na, hataholi manatee tenok-ka, dudu'a-dodoo basa dede'ak sila-la, ma ana manaku, nae Manetualain sue-lai nahele.

MAZMUR 122:8

Hu kande au tolanoo ka'a-fa'ding, ma au tia-laing-ngala, de au afa'da ae, “Ela leo bee-na, o so'da-molek!”

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

MAZMUR 25:9

Manetualain hela-nole hataholi manamakaloe-makadae aok-ka, ma nanolis hihii-nanaun-na neus.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

PENGKHOTBAH 8:1

Hataholi manatee-tenok-ka namahoko-na ba'un-na seli. Ana bubuluk basa dede'ak lala'en-na natataan-na. Manatee-tenok-ka, tao-nan, ana hume nana namahoko nalosa mata-panan napena tataas esa.

PENGKHOTBAH 8:5

Hataholi manatungan-nana, neukose nee-nee lino-linok ma tetu-temak hataholi dodole maneu-a bubuluk, faihi'da ma tao leo beek fo tunga manek-ka.

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 60:6

Onta makadotok lakamomotu-la, o nusam-ma, ala mai leme Midian ma Efa mai. Hataholi-la leni lilopilas ma boomenik neme Syeba mai, boema ala koa-kio Manetualain tatao-nono'in.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YEREMIA 9:12

Boema au atane ae, “Manetualain, tao le'e de, po'ilotak nusak ia, ana da'di nusa tokotiik ma tuuk, sama leo moo solokaek-ka, nalosa ta hapu hataholi la'ok tunga ndia fa? Ade hapu hataholi malelan-na dai, soaneu nalelak basa ia-la do? Au afa'da mangalele'don neu see, fo ela ana hapu nakalala'ok-kana leo hataholi fe'ek neu?”

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

MATEOS 21:5

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

MATEOS 5:5

Maua-manalek neu hataholi fo mana makaloe-makadae ao ka; nanahu neukose Manetualain tao natetu hala hehelu na, neu hataholi sila la!

MATEOS 7:24

“Naa, ba'eneu see fo namanene Au dede'a-kokolang ia boema ana tao tungan, soona hataholi ndia sama na leo hataholi malela ka napadedeik uma na nai batu lain.

1 KORINTUS 6:5

Mamaek nanseli! Tao leo bee o nai emi dalek hapu hataholi esa manatee teno na dai soaneu naketu-nala'di nale'a-napilik nai tolano-tolanook fo hataholi Salanik mesa-mesan.

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

2 KORINTUS 8:24

Ami mamahena emi matu'du emi susue-lalaim neus, fo ela basa salani kala bubuluk lae, emi sue-lais ma lae hata fo ami mamatutua-mamadedeman la'eneu emi nde bee na tete'e ka.

GALATIA 5:23

lanuu dale nakaloe-nakadaek, ma ala paleta labe'i ao ina nala tataas esa. Ta hapu agama esa boen, fo hoholo-lalanen ana kena-ka'i dede'ak leo sila kala fa.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

GALATIA 6:4

Hataholi a, esa-esak muse palisak ao ina na, ade ha'da-tataon malole do ta. Metema malole soona, hataholi ndia bole namatutua-namadedema ao na neu dede'ak ndia. Tehu boso makasasama kana no hata fo hataholi fe'e kala tao nana.

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TIMOTIUS 6:11

Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

TITUS 3:2

Mafa'das fo ala boso tao langgenggeo hataholi na'den, do lasipo bafak lo su'di see a, te ela leo been-na, ala tao malole neu basa hataholi lala'ena.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YAKOBIS 1:21

Hu ndia de, tu'u-tapa heni basa ha'da-tatao manggenggeok ma tatao-nono'i mangalauk lala'ena. Sipok ma Manetualain sele-nggali dede'a-kokolan manai emi dalem dale ndia, no dale nakaloe-nakadaek, nana dede'a-kokolak sila la, lanuu be'ibalakaik soaneu ana soi-tefa nala emi.

YAKOBIS 2:18

Fafakama nggelok lafa'da lae, “Hapu hataholi nggelok lamahena neu namahehele na, ma nggelok lamahena neu tatao-nono'in”. Soona, neukose au ataa ae, “Matu'du au, tao leo bee fo hataholi a nanuu namahelek, tehu tatao-nono'in fe'ek, boema au atu'dun nai au tatao-nono'ing dalek ae, au anuu namahehelek.”

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

1 PETRUS 1:15

Dede'a nasafali na, ela leo bee na emi malalaok nai basa hata fo, emi tao-no'i ka dalek, sama leo Manetualain fo mana malo emi a, malalaok.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 PETRUS 3:4

Tehu ela leo bee na emi malole-manapu nai emi dalem dale, fo nde ha'da-palii malole-mangana'u ka, ma nenee-lino lino ka; ndia nde lole-napu matea-mahelek ma kabelik tunga Manetualain mata memete na.