YAKOBIS 2:9 - Susula Malalaok Hehelu Palak Ma Hehelu Beuk

⁹ Tehu metema emi bibinga-baba'e hataholi a tunga ao paa ka soona, emi tao sala-singok ndia so, de Manetualain hoholo-lalanen naketu nae, emi nde bee na, hataholi mana la'o lena hoholo-lalanek.

YAKOBIS 2:9 Σταυροειδείς Αναφορές

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

YOHANIS 16:8

Metema Ana mai soona, neukose nafa'da daebafa ka sala-singon sosoa-ndandaa matetu na, neme hata fo ndo sa, ma neme Manetualain huhuku-dodokin mai.

YOHANIS 8:46

Nai emi dalek, see ka nde napalani nafa'da nae, Au masala-masingok? Metema Au afa'da ndoos, na tao le'e de emi ta mamahele Au fa?

YOHANIS 8:9

Tehu lamanene Yesus kokolak nae leondia tutika, ala la'o esa-esa de nalosa mamanak ndia louk. Lasi kala la'o lakahuluk, de besa ka hataholi makadoto kala tunga dea. Mate'e na, ela ka'da Yesus no inak ndia mesa kasa lai mamanak ndia. Tehu inak ndia bei napadeik nahele nai mamana na.

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

ROMA 3:20

Nana ta hapu hataholi esa boen, hapu enok soaneu malole falik no Manetualain, nanahu hataholi ndia tao-no'i dede'ak manai agama hoholo-lalanen dalek. Nasafali na, hoholo-lalanek ndia, ka'da natu'du hataholi daebafa ka nae, hataholi daebafa ka masala-masingok mesa-mesan.

1 KORINTUS 14:24

Tehu metema emi basa-basa mala, tui-benga Manetualain dede'a-kokolan, boema hataholi kamahehele beitak esa, do hataholi deak esa ala mai soona, dede'a-kokolak fo emi basa-basa mala tui-bengak ndia, neukose natu'du hataholi ndia sala-singon, fo dede'a-kokolak sila tao la hataholi ndia name'da na sala-singo nala.

GALATIA 2:19

Tehu au mate basa soaneu agama hoholo-lalanen so hoholo-lalanek ndia nde tao nakamaten ana fo ela au hapu aso'da soaneu Manetualain. Au nanalona-nggangek sama-sama no Kristus so.

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

1 YOHANIS 3:4

Hataholi mana tao sala-singo ka, ana la'o lena Manetualain hoholo-lalanen; nana sala-singo ka nde been-na, la'o lenak esa soaneu Manetualain hoholo-lalanen.

YUDAS 1:15

fo laketu-lala'di basa hataholi lala'e na. Ma neukose Amak Manetualain huku hataholi mangalau kala, nanahu tatao-nono'i nala, mangalauk. Boema neukose Ana huku hataholi masala-masingo kala, ma hataholi malena langa-masaba soo kala, nanahu hala-kokola nakamumulu-nakamamaek fo ala kokola kana.”