YAKOBIS 2:2 - Susula Malalaok Hehelu Palak Ma Hehelu Beuk

² Nana metema hataholi kamasu'ik esa ana pake ndeli lilo pilas ma bua-lo'a neulauk, ana mai leo emi nakabuam esa, boema hataholi nuu tak esa, ana pake si'da sae, ala mai leo emi nakabuam ndia mai boe,

YAKOBIS 2:2 Σταυροειδείς Αναφορές

KEJADIAN 27:15

Basa boema Ribka ho'i na Esau bua papake mana'ahiin nanseli a fo ana pe'dan nai uma, boema ana o'dun neu Yakob.

ESTER 3:10

Manek-ka namanene dede'ak ndia boema, ana kosun-na ndeli ana pakek-ka, fo biasa ana ndo ei nenik hala po'a-benga matetuk-ka neme manek-ka mai, de ana fen leo Haman, fo hataholi Yahudi-la musu matuainan-na neu.

ESTER 8:2

Boema manek-ka o'du-na, ndelin fo ana ho'i falik-kana neme Haman mai-a, de ana fen leo Mordekhai neu. Ma Ester so'u Mordekhai da'di manakoasa neu Haman hata-heton.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

LUKAS 23:11

Boema Herodes ma solda'du nala, ala mulai hakinonoli ma lakamumulu-lakamamaek Yesus, boema ala papaken papake matua-madema, basa boema Herodes haitua falik-kana leo Pilatus neu.

YAKOBIS 2:3

soona, emi fe makahuluk ha'da-holomata neu hataholi mana pake bua-lo'a neu lauk ndia mae, “Tuan, mangatuuk muu kandela neulauk ia lain.” Tehu emi mafa'da hataholi nuu tak ndia mae, “Mapadeik muu eli, do mangatuuk muu dae lain.”