RATAPAN 2:18 - Susula Malalaok Hehelu Palak Ma Hehelu Beuk

¹⁸ Hai papaka nanadamak Yerusalem-mala lemin, maloo bou-bou neu Manetualain! Fe o luuoem-ma tu'da sama leo lee-a ana faa lele'do-le'odaen. Kii makandoo fo boso hahae losa o aom-ma sota-mangu!

RATAPAN 2:18 Σταυροειδείς Αναφορές

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 119:145

Au aloo bou-bou neu O, no dale katematuak; mataa au leona! Ou Manetualain, nana au nau tunga O paletam-ma.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

HABAKUK 2:11

Bai te, batu-batu manai papala nanamadak-ka, laloo bou-bou soo-supa o, ma uma-la diin-nala po'a-benga halak manamaloo bou-bouk ndia.