PENGKHOTBAH 4:1 - Susula Malalaok Hehelu Palak Ma Hehelu Beuk

¹ Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

PENGKHOTBAH 4:1 Σταυροειδείς Αναφορές

AYUB 16:4

Leouni'ka emi nde au ia ma au nde emi soona, au boeo bisa kokolak sama leondiak boe. Au kokolak dede'ak makadotok nanseli, o emi; neukose au akakale langa.

AYUB 35:9

Hataholi nanatuni-ndenik-ka, neukose nakadii-nakau; ala nggasi, loke tutulu-fafalik.

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

AYUB 9:24

Manetualain fe daebafak-ka neu hataholi malelesik-ka, ma Ana taon-na basa manakee-manafula, poke matan-nala so. Manetualain tao basa ia-la, nana metema ta Ndia fa soona, see bai?

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

MAZMUR 42:9

Sa'di leo been-na, Manetualain natu'du susue-lalain nai fai lele'don-na fo ela nai fai le'odaen-na, au hapu akamee, ma hule-haladoi neu Manetualain fo au oemata maso'dang-nga.

MAZMUR 69:20

O bubuluk, au nananakadadaek nanseli, nananakamumulu-nakamamaek ma nananakamuu-nakadauk, O mita la'iesak au musung-ngala.

MAZMUR 69:21

Nakamumulu-nakamamaek-ka, tao nakalulutuk au daleng-nga, ma ketu au namahehenang-nga. Au sanga susue-lalaik, tehu manada'di tak, au sanga kokoe-nanasik, tehu au ta hapu fa.

MAZMUR 80:5

Ou Manetualain Fo Manakoasa, O mamanasa losa faihi'da, leomae O anam-mala hule-haladoi?

KELUARAN 1:16

Manek Masir-ra nafa'das nae, “Nai lelek inak Ibrani-la bongi, fo emi meu makabobongik-kasa soona, mafandendelek dede'ak ia: Metema ni'iana nanabongik ndia touanak soona, taomisan! Tehu metema ni'iana nanabongik ndia inaanak soona, nemen-na fo naso'da.”

KELUARAN 1:22

Boema, manek-ka fe paleta nde ia neu basa laun-nala nae, “Basa ni'iana touanak fo hataholi Ibrani-la besak-ka bongi-lan na, muse tapa henis leo Lee Nil-la dalek neu, tehu basa ana inaanan-nala nemen-na fo ala bole laso'da.”

AMSAL 19:7

Hataholi nuu-taa hata-taak-ka, tolanoon-na ta taoafik neu fan, nakalenak tia-lain-nala. Leomae ana sanga enok boe, tehu ana ta bisa hapu fas.

AMSAL 28:3

Manakoasa fo, ana tuni-ndeni hataholi nuu-taa hata-taak-ka, sama leo u'daina mai, fo ana tao nalutu, tina-osi buna-boan.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

PENGKHOTBAH 3:16

Hapu seluk hata fo au itan nai daebafak ia, fo nde: Nai bee fo muse hapu ndoos ma matetuk-ka, ma tatao-nono'i malole soona, nai ndia hapu tatao-nono'i mangalauk.

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

PENGKHOTBAH 7:7

Metema hataholi dodole matane ke'di-ndiu soona, nakeketun ndia nggoak. Metema hataholi sipo doi sosolo dalek soona, nalutu dodolen-na.

PENGKHOTBAH 8:9

Au ita basa ia-la, nai lelek au taoafik neu manada'dik manai daebafak ia lala'en-na. Nasi'a hataholi daebafak-ka pake koasan-na soaneu tao soe nonoo hataholin-na.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:17

Au so'uk au limang-nga fo au oke tutulu-fafalik, tehu ta hapu manafe kokoe-nanasik fa. Manetualain haitua musu, neme bu'u-bu'uk lala'en-na mai; ala mai latee-lata'ti loo au. Ala tao au, sama leo kadafuk-ka, ma buas fo nanamaluak nai sila tala'da heon.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMOS 3:9

Po'a-benga dede'ak ia neu hataholi manaleo nai uma manek Masir-ra, ma Asdod-tala mae leo ia, “Makabubua meu lete-letek manai Samaria boboa-kaisun-nala, fo taoafik neu tasi'bu matuaina ma lumu-esek-ka nai naa.”

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 26:56

Tehu memak muse leondiak, fo ela hata fo nabi la sula kana nai susula Malalaok dale, ana da'di leona.” Basa ndia boema basa ana mana tunga nala lalai la'oelan.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

HAKIM-HAKIM 4:3

Yabin nanuu kaleta musu besi natun sio. Ana paleta hataholi Israel-la no balakaik, teuk duahulu dalen-na. Basa boema, laloo bou-bou loke tutulu-fafalik neu Manetualain.