NINITAK 22:17 - Susula Malalaok Hehelu Palak Ma Hehelu Beuk

¹⁷ Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

NINITAK 22:17 Σταυροειδείς Αναφορές

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

YESKIAL 47:1

Touk ndia, no falik au leo lelesu masok leo, Manetualain Uman neu. Au ita oe-a, ana faa neme lelesu ndia dae mai, de ana faa leo dulu neu, sama leo Manetualain Uman-na boeo, nasale leo dulu neu boe. Oe ndia, ana faa neme Manetualain Uman-na, lelesu doon manai boboan kona mai, de ana tunga mei tunu-hotuk-ka, su'udoon kona.

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

YOHANIS 1:37

Yohanis ana manatunga kadua nala lamanene Yohanis kokolak nae leondia boema, duas leu tunga Yesus.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:11

Boema inak ndia nae, “Tuan hai dodolun ta, nate ka oe dolu ia dema na seli, na Tuan hapu oe maso'dak ndia neme bee mai?

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 4:29

“Mai mitak hataholi esa nai eli, nafa'da basa au tatao-nono'ing lala'ena. De fafa'kama, Mane Mana Fe So'da ka nde ndia do?”

YOHANIS 7:37

Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.

ROMA 3:24

Hu ka nde Manetualain fe hiik susue-lalain neu hataholi daebafa ka, de hataholi daebafa ka tututi-nanaton malole falik lo Manetualain; eno na nde, Kristus Yesus soi po'i hataholi daebafa ka.

1 KORINTUS 2:12

Ma dula dale daebafak ndia, ta nanafek neu ita fa, te Dula Dalek fo maneme Manetualain mai a dei, fo ela ita bubuluk hata fo Manetualain ba'e-pala basan neu ita.

NINITAK 14:13

Boema au amanene hala ka neme nusa so'da ka mai nae, “Sulak-ma ia leona: Mulai besak ia, maua-manalek neu hataholi fo ana mate te bei nalalau-naoono Lamatua ka!” Manetualain Dula Dale na nataa nae, “Tete'e ka! Neukose ala hahae ue-le'di puselaipana ka, nana sila lau-onon buna boan no naheles tatas esa.”

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

NINITAK 21:2

Boema au ita kota malalaok ndia, fo nde Yerusalem beu ka ana kona neme nusa so'da ka, fo neme Manetualain mai. Kota ndia nanasadia basak sama leo penganten inak esa nanapainotek soaneu natongo no penganten tou ka.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 21:9

Esa neme ata nusa so'da kahituk fomana ho'u nggalaas fo henuk no susa-soe mate'e kahitu kala, ana mai de nafa'da au nae, “Mai leona! Neukose Au atu'du o Penganten, fo Bi'ilopo Ana saoina na.”

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:16

“Au, Yesus, haitua basa Au ata nusa so'da nga le'i, fo ela lafa'da dede'ak ia la soaneu salani kala paluu na. Au ia Dauk tititi-nonosin. Au nde nduu timu fo mangale'dok ndia.”

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”